Halyqpen tıkelei bailanysatyn, köppşılıktıŋ köŋılın küptı etken jailardy şeşuge ökılettı tūlǧaǧa qoiylatyn talaptar ölşemı uaqytqa sai jaŋa satyǧa köterıldı.
Memlekettık qyzmetşı kelbetı qandai boluy kerek, oǧan qajettı adami, käsıbi qasietter qandai, memlekettık qyzmetşınıŋ oŋ imidjın qalyptastyru – memleket üşın, qoǧam üşın maŋyzdy mäsele. Mıne, sondyqtan da elımızde memlekettık qyzmet halyqqa barynşa aşyq bolyp, zamanaui sifrlyq tehnologiialardy qoldanu arqyly biurokratiiany boldyrmaityn, jaŋaşa oilaityn jas mamandardy tartuǧa basa nazar audarylady. Būl jastardyŋ maqsatty baǧytyn aiqyndap, mansaptyq ösuıne, memlekettık qyzmettıŋ oŋ imidjın qalyptastyruǧa mümkındık beredı.
Jaŋaşyl jüie
Memleket basşysynyŋ memlekettık qyzmetke qabyldau kezınde artyq kedergıler men tosqauyldardy joiu, azamattar üşın memlekettık qyzmettıŋ barynşa aşyqtyǧy men qoljetımdılıgın qamtamasyz etu turaly tapsyrmasy boiynşa 2022 jylǧy 30 jeltoqsanda
«QR Memlekettık qyzmetı turaly» Zaŋǧa tiıstı tüzetuler engızıldı.
Osy özgerıster men tolyqtyrular memlekettık organdardyŋ basşylyq lauazymdaryna Agenttıkpen kelısım boiynşa konkurssyz tıkelei taǧaiyndau tetıgın belgıledı.
Būl memlekettık organdarǧa bılıktı jäne salalyq täjıribesı bar mamandardy tartuǧa mümkındık berdı.
Jastarǧa ülken jauapkerşılık artylady
Bügıngı künı memlekettık qyzmet salasyndaǧy özgerıster azamattardyŋ memlekettık qyzmetke ornalasuyn jeŋıldetuge, aşyqtyqty qamtamasyz etuge, konkurstyq ürdısterdı qysqartuǧa baǧyttalǧan. Qazırgı taŋda memlekettık qyzmetke qabyldaudy oŋailatu üşın jaŋa mümkındıkter jasaldy. Qazaqstan memlekettık qyzmettegı kadr saiasatynda progressivtı közqaras baǧytyn qoldaidy.
Üzdık tülekterdı memlekettık qyzmetke tartu baǧytynda Memleket basşysynyŋ tapsyrmasyn oryndau şeŋberınde joǧary ülgerımın körsetken jäne grant boiynşa bılım alǧan joǧary oqu oryndarynyŋ tülekterı men oqudy tabysty aiaqtaǧan Memlekettık basqaru akademiiasynyŋ tülekterı üşın «B» korpusynyŋ jekelegen basşylyq lauazymdaryna konkurs ötkızılmesten ornalasuy Zaŋmen rettelgenın aitu qajet.
Bügıngı künı memlekettık qyzmet salasyndaǧy özgerıster azamattardyŋ memlekettık qyzmetke ornalasuyn jeŋıldetuge, aşyqtyqty qamtamasyz etuge, konkurstyq ürdısterdı qysqartuǧa baǧyttalǧan. Qazırgı taŋda memlekettık qyzmetke qabyldaudy oŋailatu üşın jaŋa mümkındıkter jasaldy.
Otandyq joǧary oqu oryndaryn memlekettık grantpen joǧary ülgerımmen aiaqtaǧan jastarǧa konkurssyz kıru mümkındıgı berıldı. Bügınde üzdık tülekter konkurssyz audandyq jäne auyldyq jerlerdegı memlekettık qyzmetke qabyldanuda.
Nätijesınde, jaŋaşyldyqqa bailanysty elımızde oqu körsetkışı 3,33 balldan tömen emes 752 maman lauazymdarǧa konkurs ötkızılmesten ornalasty.
Konkurstan tys taǧaiyndalǧan tülekterdıŋ 25-ı oblystyq, 437-ı audandyq jäne 270-ı auyldyq deŋgeidegı lauazymdarǧa taǧaiyndalǧan.Memlekettık qyzmet jüiesıne alǧaş engızılgen institut bılıktı jastardy memlekettık qyzmetke tartuǧa, jas mamandardy öz auyldary men audandaryna qaitaruǧa, öŋırlerdegı kadr tapşylyǧyn tömendetuge, sondai-aq memlekettık qyzmetke kıru räsımın jeŋıldetuge yqpal ettı.
Būl jas mamandardyŋ öŋırlerge, alys auyldarǧa baryp, jergılıktı jerlerdegı qyzmetşılerdıŋ sapalyq qūramynyŋ bılımdı jas kadrlarmen tolyǧuyna sebepşı bolyp otyr.
«Jedeldetılgen sifrlandyru jäne jasandy intellekt mümkındıkterın belsendı qoldanuǧa köşu barysy – ırıkteudıŋ tiımdılıgın arttyrudyŋ jaŋa mümkındıkterın aşa tüsedı», – deidı agenttıktegı mamandar.
Memlekettık qyzmetke ırıkteu jäne qabyldau räsımın sifrlandyru
Azamattar üşın memlekettık qyzmettıŋ barynşa aşyqtyǧyn jäne qoljetımdılıgın qamtamasyz etu maqsatynda jaŋa ırıkteu jüiesı äzırlendı.
Ol üşın memlekettık qyzmetke ırıkteu jäne qabyldau prosesın, onyŋ aşyqtyǧy men obektivtılıgın tolyq sifrlandyrudy qamtamasyz etetın «E-Qyzmet» jüiesınıŋ syrtqy portaly ıske qosyldy.
Jaŋa ırıkteu formaty ümıtkerlerge konkursqa özı qalaǧan uaqytta jäne kez-kelgen jerden qatysuǧa mümkındık berdı, «adami faktordyŋ» yqpalyn boldyrmau şaralary jürgızıldı (ırıkteu kezeŋderınen ötu kezınde jeke derekterdı qūpiialandyru maqsatynda ümıtkerlerge ID-nömır berıledı jäne täuelsız proktoring jüiesı qamtamasyz etıledı), testıleu jürgızıletın normativtık qūqyqtyq aktılerdıŋ sany ekı esege qysqartyldy (9-dan 4-ke deiın).
Jaŋa joba boiynşa bır orynǧa ümıtkerlerdıŋ qatysu sany 4,9 adamdy qūrady.
Bılıktılık deŋgeiı – basty taqyryp
Zaŋǧa engızılgen özgerısterge säikes, Agenttıkke memlekettık organdardyŋ memlekettık qyzmetşılerge qoiylatyn bılıktılık talaptaryn kelısu funksiiasy berıldı.
Osyǧan orai, memlekettık qyzmettıŋ jeke jäne kvazimemlekettık sektordaǧy käsıbi mamandarǧa barynşa aşyq boluyna mümkındık jasau maqsatynda ülgılık bılıktılık talaptary bekıtıldı.
Jaŋadan qabyldanǧan bılıktılık talaptar men memlekettık lauazymdardaǧy jäne funksionaldyq baǧyttar boiynşa jalpy jūmys ötılın bırge esepke alu qarastyrylǧan.
Osylaişa, äkımşılık lauazymdarǧa äleuetı sai keletın kandidattardyŋ qatary keŋeitılıp, eŋbek naryǧynyŋ barlyq sektoryndaǧy türlı jūmys täjıribesın esepke alu mümkındıgı berıldı.
Sonymen qatar, naqty lauazymnyŋ funksionaldyq baǧytyna säikes bılım deŋgeiı boiynşa jaŋa talaptar da belgılendı.
Soŋǧy üş jylda memlekettık organdardyŋ 25840 bılıktılık talaby qaralyp, onyŋ 11149-na kelısım berıldı.
Memlekettık qyzmetşı atanu – adamnyŋ käsıbi bılımdı, jauapkerşılıgı mol ärı bılıktı maman boluyn talap etedı. Jäne eŋ bastysy özgege ülgı bola bıluı qajet. Osy baǧyttaǧy igı ıster jalǧasyn tabady.
Prezidenttık jastar kadr rezervı – ülken mümkındık
Juyrda ǧana Prezidenttık jastar kadr rezervıne törtınşı ırıkteu aiaqtaldy. Myŋdaǧan qatysuşylardyŋ arasynan özın tanyta bılgen 50 üzdık jas maman rezervke qabyldandy.
Būl – jastar üşın memlekettık qyzmette öz äleuetın tolyq körsetuge, bılımı men bılıktılık deŋgeiıne, käsıbi daǧdylaryna süiene otyryp ılgerıleuge berıletın zor mümkındık, artylǧan senım.
Memleket basşysy «Jastar kadr rezervı degenımız – memlekettıŋ rezervı. Mäsele ülken bastyq boluda emes, rezerv ökılı boludyŋ mänı – el üşın aianbai eŋbek etude» degen bolatyn.
Prezidenttıŋ tıkelei bastamasymen qolǧa alynǧan būl joba elımızdıŋ jaŋa formasiiadaǧy, bılımdı, jauapty ärı otanşyl jastaryn memlekettık basqaru ısıne tartuǧa baǧyttalǧan erekşe strategiialyq maŋyzǧa ie.
Jobanyŋ negızgı maqsaty – memlekettık basqaru jüiesıne bılımdı, jauapkerşılıktı jäne joǧary käsıbi bılıktı jastardy tartu.
Niet bıldırgen 31 myŋnan astam ümıtkerdıŋ ışınen 7 436 adam ırıkteuge qatysuǧa jıberıldı. Alty kezeŋnen tūratyn ırıkteu nätijesınde rezervke 50 üzdık jas maman qabyldandy. Bır orynǧa 148 adamnan kelıp, būl körsetkış 2023 jylǧy ırıkteumen salystyrǧanda 16%-ǧa joǧary boldy.
Qatysuǧa niet bıldıruşıler sany är ırıkteu saiyn ösude. 2019-2023 jyldary ötken üş ırıkteu aiasynda rezervtıŋ portalyna 66 myŋǧa juyq adam tırkelse (2019 j. – 13 myŋ, 2021 j. – 22 myŋ, 2023 j. – 31 myŋ), biyl – būl körsetkış 31 myŋ adamdy qūrady.
Būl elımızdıŋ progressivtı jastary tarapynan atalǧan bastamaǧa degen qyzyǧuşylyqtyŋ artuynyŋ taǧy bır dälelı.
Biylǧy rezervke qabyldanǧan rezervşılerdıŋ qūramdyq sapasy kelesıdei.
Rezervşılerdıŋ ortaşa jasy 31-de, al ortaşa eŋbek ötılı
9 jyl. Rezervşıler arasynda äielderdıŋ ülesı 28% (14 adam), erler – 72%-dy (36 adam) qūraidy.
Rezervşılerdıŋ ışınde 8 adamnyŋ joǧary bılımı bakalavriat deŋgeiınde, 38 magistraturany, al 4-euı doktorantura baǧdarlamasy boiynşa oquyn tämämdaǧan. Būl – jastardyŋ sol mümkındıgın, zor äleuetın körsetedı.
Rezervke būdan būryn qabyldanǧan rezervşıler (400) turaly aitatyn bolsaq, olardyŋ 321-ı (80%) türlı sektorlarda, onyŋ ışınde 38 – saiasi lauazymdarda, 5 – «A» korpusynda,
3 – Parlament Mäjılısınıŋ deputaty, 1 – mäslihat deputaty bolyp jūmystaryn atqaruda.
QR Memlekettık qyzmet ısterı agenttıgınıŋ töraǧasy Darhan Jazyqbaidyŋ aitqanyndai, jastarymyzdyŋ boiyndaǧy tasqyndaǧan küş-jıger men bılımdı el müddesıne qyzmet etuge baǧyttau, käsıbi memlekettık qyzmetşılerdıŋ jaŋa legın qalyptastyru – Agenttıktıŋ strategiialyq mındetterınıŋ bırı.
Gülşat SAPARQYZY
