Reseidıŋ Sankt-Peterburg qalasyndaǧy Lenin audandyq soty bloger Ekaterina Bivoldy qazaqtar men qyrǧyzdardyŋ ar-namysyna tietın sözder aitqany üşın kınälı dep tanydy, dep habarlaidy "Adyrna".
Is materialdaryna säikes, sot Ekaterina Bivoldy Resei Federasiiasynyŋ Äkımşılık qūqyq būzuşylyq turaly kodeksınıŋ 20.3.1-baby boiynşa äkımşılık jauapkerşılıkke tartqan. Nätijesınde ol 60 saǧat qoǧamdyq jūmysqa tartu jazasyna kesıldı.
Aita keteiık, atalǧan ıs 2025 jyldyŋ qazan aiynda Telegram jelısınde jariialanǧan beinejazbaǧa bailanysty qozǧalǧan. Būl materialdy Resei Işkı ıster ministrlıgınıŋ ekstremizmge qarsy ıs-qimyl ortalyǧynyŋ qyzmetkerlerı teksergen.
Saraptamalyq qorytyndyǧa säikes, beinejazbada qazaq jäne qyrǧyz ūlttarynyŋ ar-namysyna tietın, qadır-qasietın kemsıtetın sözder aitylǧan. Osyǧan bailanysty Ekaterina Bivolǧa qatysty "ūltaralyq arazdyqty jariia türde qozdyru" deregı boiynşa äkımşılık ıs qozǧalǧan.
Sondai-aq 2025 jyly Käsıpqoi bokstan älem chempiony Dmitrii Bivol özı de būrynǧy äielı Ekaterina Bivolǧa qarsy jala jabu deregı boiynşa sotta jeŋıske jetken edı.
Sankt-Peterburg qalasyndaǧy Smolnin audandyq soty Dmitrii Bivoldyŋ būrynǧy äielıne qarsy bergen azamattyq talabyn qarady.
Onda şyndyqqa säikes kelmeitın, ar-namysy men qadır-qasietıne, sondai-aq ıskerlık bedelıne nūqsan keltıretın mälımetterdı jalǧan dep tanu jäne olardy terıske şyǧaru turaly mındetteu mäselesı köterılgen.
Sot sportşynyŋ jaǧyna şyǧyp, jauapker taratqan mälımetterdı şyndyqqa janaspaityn, talapkerdıŋ ar-namysy men qadır-qasietıne, ıskerlık bedelıne nūqsan keltıretın aqparat dep tanydy.
Osyǧan bailanysty Ekaterina Bivolǧa özıne tiesılı barlyq saittarda, äleumettık jelıdegı paraqşalarynda jäne messendjerlerdegı arnalarynda būryn jariialanǧan aqparatty terıske şyǧaru mındettelgen.
