Älı esımde. “Habarda” 12 jyl qyzmet atqaryp, ūlttyq arnaǧa auysqan uaqytym. Bır ministrsymaqtan sūqbat aluǧa bardym. Älgı ministrım köŋıldı: “Din, sūraqtaryŋdy qoia ber. Ädettegıdei snachalo qazaqşa ǧoi?! Davai, qoia ber” dedı. Men qazaqşa saualdarymdy qoiyp, jauap aldym da, jinala bastap edım: - Din, a na russkom? - dedı.
Ūlttyq arnadaǧy saraptamalyq baǧdarlamaǧa analitik bolyp auysqanymdy, “Habardyŋ ” “ 7 kün” saraptamalyq baǧdarlamasynan ketkenımdı, orysşa redaksiia ol jerde joq ekenın aituym sol eken, aldynda ǧana köŋıldı otyrǧan älgım qap-qara bolyp tütıgıp kömekşısıne ala közben bır qarady da: “men saǧan tek qana “Habar” dedım ǧoi, na hrena mne etot ūlttyq arna” dep aiǧailai jöneldı.
Sol künı redaksiiaǧa jylap qaittym. Egılıp, ezılıp jyladym…
“Tıldıŋ kiesı bar, tıl - tırı organizm ǧoi, tılge qarsy şyǧyp, artynan oŋbai qalǧan bır-ekı sorlyny bıluşı edım. Sen de oŋbaisyŋ au” dedım ıştei müjılıp.
Sol qaraǧym araǧa bırneşe jyl ötken soŋ jemqorlyqpen ūstalyp türmeden şyǧyp kettı. Keiın asa auyr qylmyspen taǧy ūstalyp, küllı halyq aldanda öz äielın öltırgen qarabet atandy…
Ūltymnan aulaq, özımen ketsın!
Ūqsas jaŋalyqtar
