Talǧar qalasynyŋ äkımı Arystanbek Äbılqaiyrūly qyzmetınen kettı. Būl turaly ol qala äkımdıgınıŋ jelıdegı paraqşasynda jazdy, dep habarlaidy «Adyrna» tılşısı.
«Eŋ aldymen, maǧan senım artyp, sailauǧa qatysyp, dauys bergen barşaŋyzǧa alǧysym şeksız. Sızderdıŋ qoldaularyŋyz ben senımderıŋız men üşın ülken jauapkerşılık jüktedı. Men atqarǧan qyzmetımdı densaulyǧyma bailanysty aiaqtau turaly şeşım qabyldadym. Būl şeşım men üşın oŋai bolǧan joq. Densaulyǧyma bailanysty belgılı bır uaqyt eŋbek demalysynda boldym. Osy jaǧdai qyzmettık mındetterımdı tolyq ärı sapaly atqaruǧa kedergı keltırmeuı üşın osyndai şeşım qabyldaudy jön sanadym. Degenmen, densaulyq – adam ömırındegı eŋ basty qūndylyqtardyŋ bırı, sondyqtan osyndai qadamǧa baruǧa tura keldı»,-dep jazdy äkım.
Arystanbek Äbılqaiyrūly 1 jyldan astam uaqyt ışınde bırqatar jūmys atqarylǧanyn atap öttı.
«Talǧar qalasynda 1 jyl 2 ai qyzmet atqaru barysynda äleumettık-ekonomikalyq damuǧa, infraqūrylymdy jaqsartuǧa jäne tūrǧyndardyŋ ömır sapasyn arttyruǧa baǧyttalǧan bırqatar jūmystar jüzege asyryldy. Ärbır bastama men jobanyŋ artynda ortaq eŋbek, bırlık pen senım tūrǧanyn erekşe atap ötkım keledı. Osy rette maǧan qoldau bıldırgen Talǧar audanynyŋ äkımıne, ärıptesterıme, Talǧar qalasynyŋ tūrǧyndaryna jäne aqsaqaldaryna erekşe alǧysymdy aitamyn. Aldaǧy uaqytta da Talǧar qalasynyŋ damuyna beijai qaramai, el igılıgı jolyndaǧy bastamalarǧa tılektes bolamyn. Qalamyzdyŋ bolaşaǧy jarqyn, damuy qarqyndy bolaryna senımdımın»,-dep tüiındedı äkım.
