Almatydaǧy Qazaqstan Respublikasynyŋ Ūlttyq ortalyq muzeiınde «Altyn Orda» atty jaŋa ekspozisiialyq zal aşyldy, dep habarlaidy "Adyrna" ūlttyq portaly kazmuseum.kz-ke sıltep.
Ekspozisiiada muzei qorynan alynǧan XIII–XIV ǧasyrlarǧa jatatyn 200-den astam jädıger qoiylǧan. Olar Altyn Ordanyŋ mädenietı, tūrmysy men qoǧamdyq ömırın körsetuge arnalǧan.
Zaldyŋ «Qalalyq mädeniet» bölımınde sol däuır tūrǧyndary men bileuşılerdıŋ qoldanǧan tūrmystyq būiymdary men zergerlık äşekeiler körsetılgen. Sondai-aq, Almaty oblysy Şeŋgeldı auyly maŋynan tabylǧan, Şaǧatai äuletınıŋ joǧary köşpelı aqsüiekterıne tiesılı saltanatty kiımder men jıbek matalar fragmentterı ūsynylǧan.
«Altyn Ordanyŋ äskeri önerı» bölımınde äskeri kiım ülgılerı men qaru-jaraqtar – jebe ūştary, qylyştar, qoramsaqtar jäne basqa da būiymdar körermen nazaryna ūsynylady.
«Memlekettık qūrylym» bölımı Altyn Ordanyŋ basqaru jüiesın tanystyryp, bileuşıler şejıresı arqyly Qazaq handyǧymen tarihi sabaqtastyqty aiqyndaidy.
Muzei basşylyǧy ekspozisiianyŋ körermenderge Altyn Orda däuırınıŋ mädeni, saiasi jäne äskeri ömırın jan-jaqty tanystyruǧa baǧyttalǧanyn atap öttı.
