Qazaqstanda joǧary oqu oryndary studentterınıŋ oqu aqysy men şäkırtaqysyna qatysty mäseleler Ükımet deŋgeiınde qaita qarastyryluy mümkın, dep habarlaidy "Adyrna" ūlttyq portaly.
Ǧylym jäne joǧary bılım ministrı Saiasat Nūrbek soŋǧy bes jyl ışınde şäkırtaqy kölemın jyl saiyn 20–25 paiyzǧa arttyru baǧdarlamasy sättı jüzege asqanyn aitty. Alaida 2025 jyly būl baǧdarlamanyŋ merzımı aiaqtalǧan. Qazırgı uaqytta ministrlık studentterdı qoldau şaralaryn jalǧastyru üşın jaŋa tetıkter äzırleude.
Ministrdıŋ aituynşa, şäkırtaqyny kezeŋ-kezeŋımen ūlǧaitu jūmystary aldaǧy uaqytta da jalǧasuy mümkın.
«Qazırgı uaqytta tölemderdı jyl saiyn arttyru üşın baǧdarlamany Ükımetpen bırlesıp qaita jaŋǧyrtu mümkındıgın qarastyryp jatyrmyz», – dedı Saiasat Nūrbek.
Būl bastama studentterdıŋ äleumettık jaǧdaiyn jaqsartuǧa baǧyttalǧan. Qazırgı taŋda bakalavriat studentterıne arnalǧan eŋ tömengı şäkırtaqy mölşerı şamamen 55 myŋ teŋgenı qūraidy. Būl somaǧa pedagogikalyq mamandyqtarǧa berıletın qosymşa üstemeler kırmeidı.
