Baǧdat qalasynda belgısız adamdar amerikalyq jurnalist Şelli Kittlsondy ūrlap ketken. Küdıktılerdıŋ bırı ūstaldy, dep habarlaidy «Adyrna» tılşısı INA aqparat agenttıgıne sılteme jasap.
İrak ışkı ıster ministrlıgınıŋ mälımetınşe, 31 nauryz künı keşke tört belgısız adam şeteldık jurnalistı ūrlap äketken.
Qauıpsızdık küşterı dereu qylmyskerlerdı qudalau operasiiasyn bastap, barlau derekterıne süiene otyryp, olardyŋ qozǧalysyn baqylauǧa alǧan. Keiın küdıktılerdıŋ bırı ūstalǧan.
«Qudalau jäne ızdestıru nätijesınde qylmyskerlerge tiesılı avtokölık toqtatyldy, ol qaşu kezınde audarylyp qalǧan. Qauıpsızdık küşterı küdıktılerdıŋ bırın ūstap, qylmys jasau kezınde paidalanylǧan kölıkterdıŋ bırın tärkıledı», – delıngen ministrlık mälımdemesınde.
Qazırgı uaqytta polisiia qalǧan ūrlauşylardy jäne jurnalistıŋ özın ızdestırıp jatyr.
RBK mälımetınşe, ūrlanǧan Şelli Kittlson BBC, Politico jäne Al-Monitor basylymdarymen yntymaqtastyq ornatqan. Onyŋ ne sebeptı ūrlanǧany äzırge belgısız. Basylym sondai-aq öŋırde İran qoldau körsetetın qaruly toptar äreket etetının, olardyŋ būǧan deiın İraktaǧy AQŞ nysandaryna şabuyl jasaǧanyn atap öttı.
