Bügın, 29 säuır – Şyǧys Türkıstandaǧy ūlt-azattyq kürestıŋ jetekşısı, qazaq halqynyŋ bostandyǧy üşın janyn qiǧan Ospan batyr Sılämūly qaza tapqan kün, dep habarlaidy «Adyrna» tılşısı.
Ol 1899 jyly Altai aimaǧynyŋ Köktoǧai öŋırınde tuǧan. 12 jasynda qazaq serkelerınıŋ bırı Böke batyrdyŋ qasyna kelgen. Közı tırısınde batys tarapynan "qazaqtyŋ altyn aŋyzy" degen atauǧa ie bolǧan batyr Orta jüzdıŋ Kerei-molqy äuletınen şyqqan.
1911 jyly Böke batyrdyŋ jaǧynda qytailar jäne orystarǧa qarsy küres bastaǧan Ospan batyr bükıl Altai jerın jäne Şyǧys Türkıstannyŋ qytailar jäne orystardan azat etıluın maqsat etıp qoiǧan. Ekınşı Düniejüzılık soǧys jyldarynda Qytai ükımetı tarapynan Şyǧys Türkıstan jerındegı türkı halyqtaryna qarsy qysym küşeigenımen bırge türkı halyqtarynyŋ jauap äreketterı de küşeie tüsıp, Ospan batyrdyŋ köterıluıne sebep bolǧan jaǧdai qalyptasqan.
Altaidy qytailardan tazalai bastaǧan Ospan batyr 1943 jyly maqsatyna jetkendei bolyp körındı. 22 şıldede Būlǧynda jasalǧan jiynda Ospan batyr Altai qazaqtarynyŋ hany bolyp jariialandy.
1945 jylynyŋ basynda Şyǧys Türkıstanda bırneşe qala syrtynda baqylau köterılısşılerdıŋ qolyna tüstı. Jaǧdai qytailar üşın būdan artyq tözgısız bolyp jäne odan da qauıptı jaǧdai qalyptaspaiynşa Qytai äskerlerı ölkede qataŋ jäne joiqyn operasiialar ötkızdı. Tarbaǧatai jäne Altaidan şyǧarylǧan Ospan batyr kürestı otyz myŋ kısımen bastasa da 1950 jyldardyŋ basynda osy san şamamen tört myŋ ǧana boldy. Būl sanǧa äielder jäne bala-şaǧa da kıredı.
1951 jyly Qanambalda qorşalǧan Ospan batyr tūtqyn boldy, Ürımjıge jöneltıldı. Ol sol jyldyŋ 29 säuırınde türmede atyldy. Batyrdyŋ ülken ūly Şerdiman äkesınıŋ süiegın 1953 jyly 12 aqpanda ǧana alyp, Altaidyŋ Köktoǧai audanyna aparyp mūsylmanşa jerledı.
