Türkıstan oblysynda tūrǧyndardyŋ ömır sapasyn arttyruǧa baǧyttalǧan jobalar jalǧasuda. Sonyŋ bırı – Sairam audany Aqsu auylyndaǧy ortalyq saiabaqtyŋ jaŋartyluy.
Jaŋa nysan 1 mamyr – Qazaqstan halqynyŋ bırlıgı künı merekesıne orai paidalanuǧa berıldı.
Jaŋartylǧan saiabaqta zamanaui infraqūrylym tolyq qamtylǧan. Aumaǧynda subūrqaq ornatylyp, ainalasy kögaldandyrylǧan. Demalys aimaǧynda 20-ǧa juyq attraksion jūmys ısteidı. Sonymen qatar keluşılerge arnalǧan fud-kort aimaqtary men tynyǧu oryndary qarastyrylǧan. Joba investorlar esebınen jüzege asyrylyp, şamamen 675 million teŋge investisiia tartylǧan.
Saltanatty şaraǧa öŋır basşysy Nūralhan Köşerov qatysyp, tūrǧyndardy merekemen qūttyqtady. Ol öz sözınde būl kün eldegı tatulyq pen kelısımnıŋ simvoly ekenın atap öttı. Sondai-aq Prezident tapsyrmalary aiasynda öŋırde etnosaralyq kelısımdı nyǧaitu baǧytynda jüielı jūmystar jürgızılıp jatqanyn jetkızdı.
Qazırgı taŋda Sairam audanynda 243 myŋnan astam halyq tūrady. Mūnda 39 etnos ökılderı bırlıkte ömır sürıp keledı.
Jaŋartylǧan saiabaq audan tūrǧyndary men qonaqtary üşın jaŋa demalys ornyna ainalyp, öŋırdıŋ äleumettık infraqūrylymyn damytuǧa yqpal etpek.
