Qarjy vise-ministrı Äset Tūrysov 15 mausym künı OKQ-da ötken brifing barysynda sifrlyq teŋge qandai salalarda qoldanylatynyn aitty, dep habarlaidy “Adyrna”.
Vise-ministr 2025 jyly Ūlttyq Bankpen bırlesıp memlekettık satyp alu, infraqūrylymdyq jobalar, subsidiialau jäne salyqtyq äkımşılendırudı qosa alǧanda, türlı baǧyttar boiynşa 20-ǧa juyq pilottyq joba ıske qosylǧanyn eske saldy.
"Būl pilottyq jobalar jaqsy nätije körsettı. Osyǧan bailanysty bügın Ūlttyq Bank pen Ükımet sifrlyq teŋgenı köptep şyǧaru josparyn bekıttı. Normativtık-qūqyqtyq jaǧy da bekıtıldı. Būl - resmi türde Qazaqstandaǧy üşınşı valiuta", - dedı vise-ministr.
Onyŋ aituynşa, valiutany kezeŋ-kezeŋımen engızu josparlanuda. Ol biudjet qarajatynyŋ jūmsaluyn baqylau üşın engızıledı.
"Būl - qolma-qol aqşa jäne qolma-qol aqşasyz aqşamen qatar jüretın ūlttyq valiutanyŋ üşınşı türı. Bügıngı taŋda sifrlyq teŋge platformasynyŋ märtebesı jäne onyŋ jūmys ısteu tärtıbı zaŋnamalyq türde bekıtılgen. Ainalymǧa şamamen 339 mlrd sifrlyq teŋge şyǧaryldy. 20-dan astam pilottyq joba ıske asyryldy. Sifrlyq teŋgenı qoldanu biudjet qarajatynyŋ aşyqtyǧy men paidalanyluyn baqylaudy arttyruǧa, olardyŋ nysanaly jūmsaluyn qamtamasyz etuge mümkındık beredı", – dedı vise-ministr.
