Aqtöbe qalasyna qarasty Almaty audany qoqys saluǧa arnalǧan eurokonteiner satyp aluǧa biudjetten 121 249 996 teŋgege böldı, dep habarlaidy «Adyrna» ūlttyq portalynyŋ tılşısı goszakup.gov.kz saityna sılteme jasap.
Aqtöbe qalasyndaǧy Almaty audanyna eurokonteiner satyp alu turaly tenderdı bügın, iaǧni 17 qazan künı «Aqtöbe qalasynyŋ memlekettık satyp alular bölımı» jariialaǧan. Tender jeŋımpazy 1 qaraşada anyqtalady.
Tehnikalyq sipattamada qala biudjetınen 121 249 996 teŋge bölınıp, satyp alynǧaly otyrǧan1400 dana plastik eurokonteinerler qatty tūrmystyq qaldyqtardy jinauǧa jäne uaqytşa saqtauǧa arnalǧany jäne qoqys jinalatyn oryndarǧa ornatylatyny jazylǧan. Eurokonteinerlerdıŋ syiymdylyǧy – 1100 l kem bolmauy qajet. Olardyŋ bolat temırden jasalǧan tört tūtqasy men plastikalyq döŋgelekterı boluy kerek. Sondai-aq berıktıgı küştı, dizainy ädemı, ärı yŋǧaily qaqpaq ornatyluy qajet.
Ūzyndyǧy – 1377 mm, enı – 1077 mm, biıktıgı – 1369 mm kem bolmauy tiıs. Tüsı – standartty jasyl, konteinerdıŋ syiymdylyǧy – 1,1 m³, salmaǧy – 51,5 kg. Maksimaldy jükteme – 440 kg-nan kem emes. Paidalanu şarttary (temperatura): -40 ° - + 50 ° S deiın. Ūsynylatyn eurokonteinerlerge jäne konstruksiia elementterıne kepıldık – 12 ai. Eurokonteinerler ornatu, jaramsyz konteinerlerdı şyǧaru jäne jinau jūmystaryn tenderdı ūtyp alǧan kompaniia atqarady.
Bızdı myna sūraq mazalaidy. Biudjetten 121 249 996 teŋge qarjy bölınıp, 1400 dana eurokonteiner satyp alynady eken. Är eurokonteinerdıŋ qūny – 86 607 teŋge. Halyqtyŋ qaltasynan jyryp, memlekettık qazynanyŋ qarjysyna satyp alynǧaly otyrǧan osy eurokonteinerlerdıŋ kepıldık uaqyty bar bolǧany 12 ai. Kepıldık uaqyt bıtken soŋ, Aqtöbe qalasynyŋ Almaty audany taǧy jaŋa eurokonteinerler satyp ala ma? 121 249 996 teŋge az aqşa emes. Oǧan satyp alynatyn tauardyŋ jaramdylyq merzımın eŋ azy ekı jylǧa sozuǧa ne kedergı?
Būl sūraqty «Aqtöbe qalasynyŋ memlekettık satyp alular bölımı» memlekettık mekemesı de joldaudy jön sanadyq.
Qanat Bırlıkūly
Adyrna ūlttyq portaly
Ūqsas jaŋalyqtar
