Qazaqstannyŋ Ūlttyq bankı kriptovaliuta aiyrbastau qyzmetın jüzege asyruǧa arnalǧan alǧaşqy lisenziiany berdı. Rūqsatty Pax Finance kompaniiasy aldy. Būl turaly qarjy retteuşısı özınıŋ Telegram-arnasynda jazdy, dep habarlaidy "Adyrna".
Lisenziiaǧa säikes, kompaniia kriptoaktivterdı satyp alu, satu jäne saqtau qyzmetterın körsete alady. Sonymen qatar bölımşeler aşyp, kriptomattar ornatuǧa qūqyly.
Ūlttyq bank 2026 jylǧy 1 mamyrdan bastap Qazaqstanda sifrlyq aktivter naryǧyna qatysuşylardy lisenziialau jüiesı engızılgenın eske saldy. Lisenziia beru jäne tırkeu mäselelerı qarjy retteuşısınıŋ qūzyretıne jatady.
Forbes Kazakhstan mälımetınşe, Pax Finance JŞS-nıŋ qūryltaişylary:
-
Arman Bataev – auditor, OD Consulting kompaniiasynyŋ basqaruşy serıktesı jäne Finmentor.kz Telegram-arnasynyŋ negızın qalauşy;
-
Azat Bekmaǧambetov – käsıpker, Paxaro Labs pen PaxWallet.io kriptoämiianynyŋ teŋ qūryltaişysy;
-
Oryngül Esjanova – Atyrau oblysyndaǧy mūnai servistık kompaniialarmen bailanysty käsıpker.
Qazaqstan zaŋnamasyna säikes, kriptovaliuta qyzmetıne lisenziia alu üşın kompaniianyŋ jarǧylyq kapitaly kemınde 50 million teŋge boluy tiıs. Sondai-aq täuekelderdı basqaru jüiesı, komplaens-baqylau, klientterdı säikestendırudıŋ zamanaui räsımderı jäne kiberqauıpsızdık şaralary engızıluı qajet.
Būdan bölek, lisenziia berer aldynda Ūlttyq bank kompaniia qūryltaişylary men benefisiarlarynyŋ ıskerlık bedelın tekseredı.
Eske salaiyq, ötken jyldyŋ mausym aiynda Ūlttyq bank kriptobirjalardaǧy ämiiandarǧa bailanystyrylǧan tölem kriptokartalary jobasyn ıske qosqan bolatyn. Būl kartalar paidalanuşylarǧa qolma-qol aqşasyz tölem jasauǧa mümkındık beredı. Ol kezde «Astana» halyqaralyq qarjy ortalyǧynda bırneşe kriptoservis, onyŋ ışınde Binance-tıŋ jergılıktı bölımşesı men Bybit kriptobirjasy tırkelgenı habarlanǧan.
