Taldyqorǧanda kezekte tūrǧan 51 otbasy jaŋa baspananyŋ kıltıne ie boldy. Jaŋa qonys ielerın Jetısu oblysynyŋ äkımı Beibıt İsabaev qūttyqtady, - dep habarlaidy Jetısu oblysy äkımınıŋ baspasöz qyzmetı.
Öŋır basşysy atap ötkendei, azamattardy qoljetımdı tūrǧyn üimen qamtamasyz etu – halyqtyŋ ömır süru sapasy men äleumettık äl-auqatyn arttyruǧa baǧyttalǧan memlekettık saiasattyŋ basym baǧyttarynyŋ bırı.
– Memleket basşysynyŋ tapsyrmasy aiasynda öŋırde tūrǧyn üi qūrylysynyŋ qarqyny jyldan jylǧa artyp keledı. Mäselen, jyl basynan berı Taldyqorǧan qalasynyŋ özınde 49 myŋ şarşy metr tūrǧyn üi paidalanuǧa berıldı. Iаǧni ötken jyldyŋ säikes kezeŋımen salystyrǧanda 3,4 paiyzǧa artqan. Jyl soŋyna deiın kezeŋ-kezeŋımen Taldyqorǧannyŋ 1400-den astam otbasyn qoljetımdı baspanamen qamtamasyz etudı josparlap otyrmyz, – dedı B. İsabaev.
Jaŋa baspana kezekte tūrǧan azamattarǧa memlekettık qoldau şaralary aiasynda berıldı. Olardyŋ arasynda köpbalaly jäne tolyq emes otbasylar, jetım balalar men ata-anasynyŋ qamqorlyǧynsyz qalǧan balalar, I jäne II toptaǧy mügedektıgı bar azamattar bar.
Jaŋa qonys ielerı öz äserın bölıstı:
– Bügın otbasymyz üşın ülken quanyş. Jaŋa qonysqa ie bolyp jatyrmyz. «Jastar-3» şaǧyn audanyndaǧy jaŋa üiımızdıŋ kıltın qolymyzǧa aldyq. Tūrǧyn üi kezegınde 9 jylǧa juyq tūrdym. Alty bala tärbielep otyrmyn, onyŋ beseuı mektep oquşylary, – dedı Dinara Otarbaeva.
– 2017 jyldan berı tūrǧyn üi kezegınde tūrdym. Quanyşymdy sözben aityp jetkıe almaimyn. Eŋ aldymen balalarymdy ertıp aparyp, özderınıŋ jeke üilerın körsetemın. Endı olardyŋ öz bölmelerı bolady, keŋ ärı jaily jerde tūratyn boldyq. Osy uaqytqa deiın talai jyl päter jaldap tūrdyq. Endı, mıne, öz baspanamyz bar. Körsetılgen qoldau üşın şyn jürekten alǧys aitamyn, – dedı Dana Jamanaeva.
– Tūrǧyn üi kezegınde 10 jyl tūrdyq. Osy uaqyt ışınde bır jaldamaly päterden ekınşısıne köşıp, talai qiyndyqty bastan ötkerdık. Balalarmen bırge köşıp-qonu ärine qiyn boldy. Endı mūnyŋ bärı artta qaldy. Jas otbasymyzdyŋ jaŋa şaǧyn audanda öz baspanasy bar dep quanyp jatyrmyz, – dedı «Qūlager» şaǧyn audanynan päter alǧan Torǧyn Toişybekova.
Atap ötsek, aldaǧy uaqytta Taldyqorǧan qalasynda «Bırlık» şaǧyn audanynda 170 päterge arnalǧan ekı kredittık üidı paidalanuǧa beru josparlanyp otyr. Sondai-aq jyl soŋyna deiın «Yntymaq» tūrǧyn alabynda 200 päterge arnalǧan bes besqabatty üidıŋ qūrylysy aiaqtalyp, paidalanuǧa berıledı.
Jalpy, soŋǧy 4 jylda Jetısu oblysynda 1,4 mln şarşy metr tūrǧyn üi paidalanuǧa berılıp, 11 myŋǧa juyq astam otbasy jaŋa qonysqa ie boldy.
