Foto: Reuters
Ǧalymdar alǧaş ret jasyl tüspen körınetın aq ergejeilı jūldyzdy anyqtady, dep habarlaidy “Adyrna” tılşısı.
Reuters deregınşe, ol Jerden 280 jaryq jyly qaşyqtyqta ornalasqan.
Aq ergejeilıler – iadrolyq otyny tausylyp, syrtqy qabattaryn joǧaltqan jūldyzdardyŋ qaldyǧy. Olardyŋ kölemı Jermen şamalas bolǧanymen, massasy Kün massasynyŋ jartysyna juyq.
Ūlybritaniiadaǧy Uorik universitetınıŋ ǧalymdary aq ergejeilılerdıŋ jaryǧy adam közıne qandai tüspen körınetının zerttegen. Zertteu nätijelerı 15 qazanda RAS Techniques and Instruments ǧylymi jurnalynda jariialandy.
Ädette jūldyzdardyŋ tüsı olardyŋ temperaturasyna bailanysty bolady. Salqyndau jūldyzdar qyzǧylt sary, Kün tärızdı jūldyzdar aq, al öte ystyq jūldyzdar kögıldır bolyp körınedı. Alaida aq ergejeilılerdıŋ tyǧyz atmosferasyndaǧy himiialyq elementter olardyŋ tüsıne äser etuı mümkın.
WD J1330+6435 dep atalatyn jūldyzdyŋ atmosferasyna būrynǧy planetalyq jüiesınen qalǧan tasty bölşekter tüsken. Sonyŋ nätijesınde onyŋ atmosferasynda kalsii, litii jäne natrii mölşerı artqan.
Türlı qūbylystardyŋ nätijesınde jūldyz sarǧyş-jasyl tüspen körınedı.
«Planetanyŋ betınde tūryp, jasyl jūldyzǧa qarap tūrǧanyŋyzdy elestetıp körıŋız. Būl ǧylymi fantastikadaǧy körınıske ūqsaidy», – dedı zertteu jetekşısı, astrofizik Mark Hollands.
