4 qazan, Taldyqorǧan. Jaŋa äleumettık nysandar salu, şarualarǧa qoljetımdı nesie beru jäne käsıpkerlıktı qoldau mäselelerı Memleket basşysynyŋ «Jaŋa tarihi kezeŋdegı Qazaqstannyŋ özektı mındetterı» atty Joldauyn ıske asyruǧa arnalǧan kezdesudıŋ negızgı taqyryptaryna ainaldy. Taldyqorǧan qalasyndaǧy Dostyq üiınde ötken jiynda Qazaqstan Respublikasy Qūryltaiynyŋ deputaty Ekaterina Smoliakova, Qazaqstan Halyq Keŋesınıŋ müşesı Qairat Kereev, Auyl şaruaşylyǧy vise-ministrı Nazgül Hatepova jäne Qarjy vise-ministrı Däuren Temırbekov Jetısu oblysynyŋ jūrtşylyǧymen kezdesıp, josparlanǧan şaralardy tüsındırdı, tūrǧyndardyŋ ūsynys-pıkırlerıne qūlaq türdı. Jiynǧa öŋırdegı etnomädeni bırlestıkter men qoǧamdyq ūiymdardyŋ ökılderı de qatysty.
Jiynda Joldauda aiqyndalǧan mındetterdı ıs jüzıne asyruǧa, sonyŋ ışınde infraqūrylymdy damytu, otandyq öndırıstı qoldau jäne halyqtyŋ ömır süru sapasyn arttyru mäselelerıne erekşe nazar audaryldy.
Ekaterina Smoliakova Jalpyhalyqtyq auqymdy qūrylys jyly tek jaŋa ǧimarattar salumen şektelmeitının, infraqūrylymdy jaŋǧyrtudy jäne halyqqa qajettı äleumettık nysandardy saludy qamtitynyn atap öttı.
– Öŋırlerge jasaǧan saparlar barysynda bız būl qajettılıkterge özımız kuä bolyp, tūrǧyndardan tıkelei estıp jürmız. Kei jerlerde erekşe qajettılıgı bar balalarǧa arnalǧan oŋaltu jäne tüzetu ortalyqtary qajet bolsa, endı bır eldı mekenderde balalar sportpen şūǧyldanatyn jer joq. Sondyqtan ärbır jaŋa nysan naqty maqsatpen salynuy kerek. Iаǧni, tiıstı kömek qoljetımdı bolyp, balalardyŋ jan-jaqty damuyna mümkındık jasaluy, barlyǧy halyqtyŋ kündelıktı ömır sapasyn jaqsartuǧa baǧyttaluy qajet, – dedı deputat.
Deputat sondai-aq Jetısu oblysyndaǧy turistık infraqūrylymdy damytu mäselelerıne toqtaldy. Onyŋ aituynşa, paraplanerizm alaŋyna aparatyn jolǧa qatysty ötınışterden keiın ainalma jol salu turaly şeşım qabyldanǧan. Qarjy ministrlıgımen jäne jergılıktı atqaruşy organdarmen bırlesıp, Alaköl maŋyndaǧy Jetısu men Abai oblystaryn bailanystyratyn joldyŋ problemalyq bölıgınde tiıstı jūmystar jürgızılude.
Kezdesudıŋ maŋyzdy bölıgı öŋır ekonomikasynyŋ negızgı salasy – auyl şaruaşylyǧyn damytuǧa arnaldy. Jeŋıldetılgen qarjylandyru, auyl şaruaşylyǧy önımderın öŋdeu jänetehnikany jaŋartu mäselelerı talqylandy.
Auyl şaruaşylyǧy vise-ministrı Nazgül Hatepova byltyrǧy jyly ösımdık şaruaşylyǧyn jeŋıldetılgen jolmen qarjylandyruǧa 1 trillion teŋge baǧyttalǧanyn aitty. Būl qarajat şarualarǧa tūqym sebu jäne jiyn-terım jūmysyn uaqytyly atqaruǧa, tiıstı materialdardar aluǧa jäne tehnikany jaŋartuǧa jol aşyp otyr.
– Endıgı mındet – auyl şaruaşylyǧy tauaryn öndıruşılerdıinvestisiialyq maqsattarǧa arnalǧan ūzaq merzımdı qarjylandyru ūsynu. Būl rette naqty öŋırler üşın erekşe maŋyzy bar nysandarǧa basymdyq berıledı, – dedı Nazgül Hatepova.
Vise-ministr Jetısudaǧy qant qyzylşasyn öŋdeu mäselesıne de toqtaldy. Biyl öŋırde 13,5 myŋ gektar alqapqa qant qyzylşasy egılgen. Önımdı jaŋǧyrtudan ötken Köksu jäne Aqsu qant zauyttary qabyldauda. Al Aqsu zauytynyŋ tabiǧi gazǧa qosyluy öndırıstık şyǧyndardy azaityp, önımnıŋ özındık qūnyn tömendetuge yqpal etedı.
Nazgül Hatepova süttı mal şaruaşylyǧyn qoldau şaralaryna da toqtaldy. Jeŋıldetılgen qarjylandyru aiasynda jüzden astam tauarly-süt fermasyn qūru josparlansa, sonyŋ 71-ı paidalanuǧa berılgen. Sondai-aq auyl şaruaşylyǧyn sifrlandyru, subsidiia alu räsımderın jeŋıldetu jäne qaǧazbastylyqty azaitu mäselelerı qozǧaldy.
Jiynda Jalpyhalyqtyq auqymdy qūrylys jyly jergılıktı käsıpkerler üşın de jaŋa mümkındıkter tuǧyzatyny aityldy. Jaŋa nysandardyŋ qūrylysy qūrylys materialdaryna, jabdyqtar men kölık qyzmetterıne degen sūranysty arttyryp, qosymşa jūmys oryndaryn qūruǧa jäne biudjet tüsımderın ūlǧaituǧa yqpal etedı. Jobalardyŋ jüzege asyruǧa qoǧamdyq baqylau jürgızudıŋ maŋyzdylyǧy atap ötıldı.
Osylaişa, Dostyq üiınde ötken kezdesude Prezident Joldauynda aiqyndalǧan mındetter öŋırdıŋ naqty qajettılıkterımen sabaqtastyryla otyryp talqylandy. Būl rette, äleumettık qyzmetterdıŋ qoljetımdılıgın arttyru, käsıpkerlıktı qoldau jäne auyl şaruaşylyǧyn damytu baǧytyndaǧy naqty nätijeler halyqtyŋ äl-auqatyn jaqsartudyŋ maŋyzdy körsetkışterı bolmaq.
Osy künı Qūryltai deputaty Nauryz Sailaubai men Qazaqstan Halyq keŋesınıŋ müşesı Rufina Usanova Taldyqorǧan qalasyndaǧy «Qainar AKB» JŞS ūjymymen kezdestı.
Kezdesu barysynda Qūryltai deputaty Nauryz Sailaubai öndırıs oryndarynyŋ jūmys oryndaryn qūrudaǧy, halyqty tūraqty tabyspen qamtamasyz etudegı jäne biudjet tüsımderın arttyrudaǧy rölıne toqtaldy. Ol «Qainar-AKB» önımderınıŋ şetel naryǧyna şyǧuy otandyq öndırıstıŋ äleuetın körsetetının atap öttı.
– «Qainar-AKB» – öŋırımızdıŋ maqtanyşy. Özımızdıŋ tuǧan jerımızde şyǧarylǧan önımnıŋ şetelde sūranysqa ie bolyp otyrǧany quantady. Öndırıs kölemınıŋ artuy jaŋa jūmys oryndarynyŋ aşyluyna, azamattardyŋ tabysy men salyq tüsımınıŋ ūlǧaiuyna yqpal etude. Sondyqtan osyndai käsıporyndardyŋdamuynyŋ el ekonomikasy üşın maŋyzy zor, – dedı ol.
Qazaqstan Halyq Keŋesınıŋ müşesı Rufina Usanova zauytjūmysşylaryna qajyrly eŋbegı üşın alǧys aitty.
– Mūndaǧy 1200 eŋbekkerdıŋ 45 paiyzy äielder. Osyndai auyr jūmysty atqaryp jürgen näzık jandylarǧa erekşe rizaşylyǧymdy bıldıremın. Barşaŋyzǧa eselı eŋbekterıŋız üşın raqmet, – dedı ol.
Talqylau barysynda qatysuşylar Joldaudaǧy basym mındetterdı jüzege asyru joldaryn qarastyrdy. Atap aitqanda, oblystyŋ kölık-logistika äleuetın arttyru, Taldyqorǧandaǧy qalalyq infraqūrylymdy damytu mäselelerı qozǧaldy. Sol siiaqty äleumettık infraqūrylymdy damytu mındetterı, jol, su, gaz jäne elektrmen jabdyqtau mäselelerın şeşudıŋ maŋyzy qamtyldy. Sondai-aq käsıporyn qyzmetkerlerınıŋ tūrǧyn üi mäselesı de köterıldı. Ūjym ökılı jūmysşylardyŋ tabysy keibır tūrǧyn üi baǧdarlamalarynyŋ talaptaryna säikes kelmeitının aityp, olarǧa baspana aludyŋ qandai mümkındıkterı baryn sūrady.
Nauryz Sailaubai käsıporynǧa «Otbasy bankpen» bırlesıp, qyzmetkerlerdıŋ tabysy men eŋbek ötılın eskeretın arnaiy ipotekalyq baǧdarlama äzırleu mümkındıgın qarastyrudy ūsyndy. Ol Hromtaudaǧy tau-ken käsıpornynyŋ bankpen bırlesıp, jūmysşylaryna baspana aluǧa qoldau körsetken täjıribesın mysalǧa keltırdı. Kezdesude Nauryz Sailaubai men Rufina Usanovaqatysuşylardyŋ sūraqtaryna jauap berdı.
