Almatyda kömır paidalanatyn dämhanalar men käuaphanalardy gaz ben elektr quatyna auystyru boiynşa jūmystar küşeitıldı

271
Adyrna.kz Telegram
https://www.adyrna.kz/storage/uploads/2c36FZt9rFOg1pgHKLYvwQJ29WYIsnqjWAxJCYSp.jpg

Almatynyŋ Türksıb audanynda «Almaty – taza aua» ekologiialyq aksiiasy aiasynda mamandar dämhana, käuaphana, düken jäne basqa da kommersiialyq nysandardyŋ ielerımen tüsındıru jūmystaryn jürgızdı.

Käsıpkerlerge otyn, mangal paidalanu jäne auany tazartu jüielerıne qoiylatyn talaptar eskertıldı.

Almatynyŋ Ekologiia jäne qorşaǧan orta basqarmasynyŋ mälımetınşe, mamandar bırneşe qoǧamdyq tamaqtanu ornyna barǧan. Nysan ielerıne kömır men otynnyŋ ornyna gaz nemese elektr jabdyqtaryn paidalanuǧa köşu qajettıgı aityldy.

Qatty otyn jaǧu kezınde auaǧa tütın, küie jäne ziiandy zattar taraidy. Būl jaqyn maŋdaǧy tūrǧyn üilerde tūratyn adamdardyŋ densaulyǧyna kerı äser etuı mümkın.

Sanitariialyq qaǧidalarǧa säikes, tūrǧyn üilerde jäne basqa da ǧimarattarda ornalasqan qoǧamdyq tamaqtanu oryndarynda qatty otynmen jūmys ısteitın mangaldar men tandyrlardy paidalanuǧa tyiym salynady. Taǧam daiyndau üşın gaz jäne elektr jabdyqtary, sondai-aq tütın men iıstı süzgıden ötkızetın jeldetu jüielerı qoldanyluǧa tiıs.

Qosymşa şekteuler Almaty mäslihatynyŋ 2025 jyly 30 jeltoqsanda bekıtken Atmosferalyq auany qorǧau qaǧidalarynda da közdelgen. Qūjatqa säikes, gazdandyrylǧan aumaqtardaǧy şyǧaryndylary tömen aimaqtarda (LEZ) öndırıstık maqsatta qatty jäne sūiyq otyn paidalanuǧa tyiym salynady. Būl talaptar 2027 jyly qaŋtardan bastap küşıne enedı. Al LEZ aumaǧynda tiıstı şekteuler Almaty qalasy äkımdıgınıŋ qaulysy bekıtılıp, aimaqtyŋ tūraqty şekaralary belgılengennen keiın qoldanysqa engızıledı.

Käsıpkerlerge jyl soŋyna deiın tabiǧi gazǧa köşıp, ekologiialyq talaptardy saqtau ūsynyldy.

Sonymen qatar dämhanalardyŋ bırıne Almaty qalasyn körıktendıru qaǧidalaryn būzǧany üşın QR Äkımşılık qūqyq būzuşylyq turaly kodeksınıŋ 505-baby boiynşa äkımşılık hattama toltyryldy. Aiyppūl kölemı 20 AEK boldy.

2026 jyly 10 qaraşadaǧy jaǧdai boiynşa qalada körıktendıru qaǧidalaryn būzǧany üşın jalpy somasy 1 mln 211 myŋ teŋge bolatyn 11 äkımşılık hattama toltyrylǧan. Olardyŋ qatarynda qoǧamdyq tamaqtanu oryndarymen bırge basqa da saladaǧy ūiymdar bar.

«Almaty – taza aua» aksiiasy qalanyŋ barlyq audanynda jalǧasyp jatyr.

Pıkırler