Bügın - Şämşı Qaldaiaqovtyŋ tuǧan künı

2701
Adyrna.kz Telegram
https://adyrna.kz/content/uploads/2022/08/4f16b433-925a-43be-9773-dc1fb5a5491a.jpeg
Bügın, 15 tamyz – vals patşasy Şämşı Qaldaiaqovtyŋ tuǧan künı. Tırı bolsa 92 jasqa keler edı. Qazaq dalasyn änmen terbetken sazger Şämşı Qaldaiaqov 1930 jyly 15 tamyzda Oŋtüstık Qazaqstan oblysy, Otyrar audanynda düniege kelgen. Onyŋ änderı Qazaq elınıŋ qai öŋırınde de jiı aitylyp, änsüier qauym arasyna barynşa keŋ taraǧan. Bala kezınen boiyndaǧy bar talantyn alqaly jiyn, alaman bäigelerde körsete bılgen sazger 1950 jyldan bastap şyǧarmaşylyqpen tübegeilı türde şūǧyldandy. Mūhtar Äuezov ömırden ozar tūsynda universitet studentterı aldynda söilegen sözınde Şämşı sazdarynAqan, Bırjan önerpazdyǧynan keiıngı «jyl kelgendei jaŋalyq» sezındıretın üzdık qūbylys retınde baǧalaǧany mälım. Jūrt auzynda «bükıl qazaq elıne än saldyrǧan Şämşı» atanuynyŋ syry da osy. Sazger änderı äsırese, 1960-1970-şı jyldardaǧy jastardyŋ auzynda jürdı.  Jasty ǧana emes, eresek, egde qauymnyŋ da, san türlı mamandyq, aluan türlı ūlystyŋ da köŋılın baurap aldy. Halyq arasynda äsırese, küllı otanşyldyq, elşıldık notasyn tap basqan «Menıŋ Qazaqstanym» tuyndysy airyqşa mäşhür boldy. 1986 jyly Jeltoqsan köterılısıne qatysuşy ūl-qyzdar Almaty alaŋdary men köşelerınde Şämşınıŋ osy änın ūrandai şyrqap şyqty. 2005 jyldan«Menıŋ Qazaqstanym» tuyndysy Qazaqstan Respublikasynyŋ Memlekettık Änūrany bolyp bekıtıldı. Ş.Qaldaiaqov ūlttyq muzyka önerınıŋ än janryna asa aiqyn, sony lep ala kelgen sazger retınde körındı. Kompozitor şyǧarmalarynyŋ taqyryptyq, mazmūndyq auqymy asa keŋ. Elge, jerge, Otanǧa, ata-anaǧa, jarǧa, dos-jaranǧa degen süiıspenşılık – Şämşı şyǧarmalarynyŋ basty taqyryby. 40 jyldan astam şyǧarmaşylyq qyzmetınde sazger 300-ge juyq muzykalyq tuyndy jazdy. Kompozitor 1965 jyly Qazaqstan Komsomol syilyǧyn aldy. Al, 1991 jyly oǧan Qazaqstan Respublikasynyŋ Halyq ärtısı qūrmettı ataǧy berıldı.

”Adyrna” ūlttyq portaly

Pıkırler