Ukraina-Resei arasyndaǧy soǧysqa äsker jasaqtau bastalǧaly berı Qazaqstanǧa Resei azamattary aǧylyp jatyr. Mobilizasiia salqynyna ūrynudan qaşqandardardyŋ denı Qazaqstanǧa kelude. Soǧan orai Resei azamattaryna Qazaqstandaǧy jelgılıktı etnikalyq orys ūltynyŋ ökılı Viktor Kalgin eskertu jasady, - dep habarlaidy "Adyrna" ūlttyq portaly.
- Cızder, aldymen, qazaqtardyŋ qonaqjai ūlt ekenın ūǧynularyŋyz qajet. Bıraq esıkten kıre tör menıkı degendı qazaqtar ūnatpaidy. Qazaqtyŋ mädenietın, tılın, dılın syilaŋyzdar! Sızder qonaqta jürgenderıŋızdı, tek Qazaqstan zaŋynyŋ küşı bar aimaqta jürgenderıŋızdı ūmytpaŋyzdar. Reseidegı üirenşıktı jaǧdaidyŋ Qazaqstanda eş maŋyzy bolmauy mümkın. Qazaqstan - myŋjyldyqtar ülesındegı tarihy, mädenietı bar bölek memleket. Qazaqta memleket bolmaǧan dep qūsyqtaryŋyzdy tökpes būryn, kezınde öz babalaryŋyzdyŋ bosaǧasynan syǧalauǧa imengen Altyn Ordany eske alyŋyzdar. Qazaqtar - Altyn Ordanyŋ miraskerı, - dedı avtor.Sonymen qatar, Viktor Kalgin Qazaqstandaǧy etnikalyq orystardyŋ jaily ömır sürıp jatqanyn, qazaq tılınıŋ dybystalu zaŋdylyqtaryn, qazaqşa sälemdesu ädebın söz etıp, iutub pen tik-tok arqyly arzan ataq jinamauǧa şaqyrdy. - Jaqyn künderde Resei bilıgınıŋ auysatynyna senemın. Sol kezde qaitadan elderıŋızge oralyp, güldenuıne at salysasyzdar. Äzırge mūnda jai ǧana "qonaq" ekenderıŋızdı esten şyǧarmaŋyzdar, - dep oiyn tüiındedı Viktor Kalgin.
"Adyrna" ūlttyq portaly
Ūqsas jaŋalyqtar
