Ál-Farabı atyndaǵy Qazaq ulttyq ýnıversıtetinde belgili sýretshi-restavrator Qyrym Altynbekovtiń 70 jyldyǵyna arnalǵan «Tarıhı-mádenı mura nysandaryn qalpyna keltirý jáne rekonstrýkııalaý» atty halyqaralyq ǵylymı-tájirıbelik konferenııa ótti.
Konferenııada Mádenıet jáne sport mınıstri D.A.Abaevtyń, ál-Farabı Qazaq ulttyq ýnıversıtetiniń Basqarma tóraǵasy–rektory J.Q.Túımebaevtyń quttyqtaý hattary oqyldy. Sonymen qatar Qyrym Altynbekovke ýnıversıtettiń «Eren eńbegi úshin» medali tabystaldy.
Konferenııa barysynda Qazaqstan Sýretshiler akademııasynyń prezıdenti Amandos Aqanaev, Marǵulan atyndaǵy Arheologııa ınstıtýtynyń dırektory Aqan Ońǵar jáne Ortalyq memlekettik mýzeıdiń, «Tańbaly» qoryq-mýzeıiniń, «Esik» mýzeıiniń, «Berel» mýzeıiniń dırektorlary jáne t.b. ǵalymdar mazmundy baıandamalar jasady.
Búdan keıin Qyrym Altynbekov restavraııa jasaǵan tarıhı-mádenı dúnıelerdiń arnaýly kórmesi ashyldy. Onda elimizdiń ejelgi jáne ortaǵasyrlyq tarıhyn pash etetin biregeı arheologııalyq materıaldar usynyldy.
Avtordyń tylsym boıaýǵa toly, ádemilik pen sheberlik bite qaınasqan týyndylary kóptiń kózin súıintti.
Biregeı kórkem-tarıhı, tyń týyndylardyń arasynda jarqyrap kózge túsetin «Úrjar sáýegeıi» men «Taqsaı hanshaıymy» rekonstrýkııalary kórmege kelgen jurttyń qyzyǵýshylyǵyn arttyrdy. Sebebi, bul týyndylarǵa kóz júgirtseńiz, sol zamandaǵy arýlardyń náziktik pen qaısarlyǵyn naǵyz kórkem-sheberlikpen jasap shyǵarǵan. Bir qaraǵannan-aq, bar sulýǵa tán jaıdary minezimen birge júreginde ór rýhy, qaısarlyǵy bar ekenin baıqaımyz.
Tarıhı taǵylymy mol kórmeni barsha kórermen QazUÝ mýzeıinen bir aı boıy tamashalaı alady.
Gúlmıra Sabdenova,
tarıh ǵylymdarynyń kandıdaty,
ál-Farabı atyndaǵy Qazaq ulttyq ýnıversıteti doenti
"Adyrna" ulttyq portaly
