Fılarmonııa ujymynyń erekshe bastamasy 

2582
Adyrna.kz Telegram

Alǵash ret Qazaqstanda, Jambyl atyndaǵy Qazaq memlekettik fılarmonııasynda 2023 jyldyń 4 aqpanynda dırıjerlik ónerdiń jarqyn talanttaryna arnalǵan mańyzy zor mádenı joba  – Halyqaralyq «Jańa esimder» jobasy bastaý almaq. 

Jobanyń maqsaty – zamanaýı dırıjerlik ónerdi qoldaý, damytý, nasıhattaý, osy ónerdegi jańa esimderdi tanytý, daryndy jastardyń kásibı sheberligin shyńdaý, sondaı-aq qazaqstandyqtardyń nazaryn klassıkalyq mýzykaǵa aýdaryp, otandyq jáne sheteldik dırıjerlermen halyqaralyq baılanystardy nyǵaıtý arqyly elimizdiń mýzyka mádenıetin jetildirý. 

«Jańa esimder» jobasy aıasynda 4 aqpan kúni saǵat 18:00-de Jambyl atyndaǵy Qazaq memlekettik fılarmonııasynyń Úlken zalynda T. Ábdirashev atyndaǵy QR Memlekettik akademııalyq sımfonııalyq orkestriniń qatysýymen konert ótedi. 

Baǵdarlamada: 

P.I.Chaıkovskıı  –  «Italıandyq kaprıchchıo», «Romeo ı Djýletta», F.Lıst  –  «Prelıýdtar», B.Smetana  –  «Vltava», A.Djorjak  – «Karnaval» Ývertıýrasy, A.Jubanov, L.Hamıdı  –  «Abaı» operasynan bı, G. Maler  –  «Adajıetto».

Jobaǵa qatysýshy dırıjerler: 

Barbara Poplavska, Ilıas Dúısen, Naryn Qajyǵalıev, Qýanysh Ismaılov.

Pikirler