Bizdegi kóp problemanyń bastaýy - kóp salaǵa óz betimen, óz jolymen, naryq zańdarymen, organıkalyq túrde damýǵa múmkindik bermeı, memlekettiń aqshasymen tyńaıtyp jiberemiz, tyń ıgergendeı naýqan qylyp. Sosyn memleketten aqsha bólinbeı qalǵanda, álgi sala sol maıy taýsylyp, qunary bitken álgi tyń jerdeı topyraǵy jelge ushyp qala beredi.
Keıingi kezde aýdarma isin memleket qamqorlyǵyna alýǵa tıis degen áńgimeler kóp aıtylyp júr.
Joq! Aýdarma isin memleket qamqorlyǵyna almaýy kerek. Memleket jolamaýy kerek kórkem aýdarmaǵa.
Kórkem aýdarmaǵa tóreshi oqyrman ǵana!
Ózimiz jóndep alamyz. Bylyqty endi-endi arshyp kele jatyrmyz ba degende, memlekettiń aqshasyn salyp odan beter bylyqtyrmańdar!
Organıkalyq jolmen damyp kele jatqan salaǵa jasandy jolmen dem berýdiń keregi joq. Qoıa turyńyzdarshy. Balanyń da aıaǵy ózi shyǵady ǵoı...
