Jetisý oblysynyń saýda jáne tutynýshylar quqyqtaryn qorǵaý Departamenti halyq kóp shoǵyrlanǵan oryndarda tutynýshylar quqyqtaryn qorǵaý boıynsha aqparattyq-túsindirmeli keńes berý sharalaryn uıymdastyrýda.
Osy oraıda, shilde aıynda departament mamany Mádidollda Qaırollauly Taldyqorǵan qalasynyń jastarǵa qyzmet kórsetý ortalyǵynyń ǵımaratynda tutynýshylarǵa keńes berý jumystaryn júrgizdi.
Shara barysynda departament mamany tutynýshylardyń saýaldaryna jaýap berip, «QR Tutynýshylar quqyqtaryn qorǵaý týraly» zań jobasyndaǵy jańalyqtar týraly aqparat berdi.
Tutynýshylardyń biri jaqynda óz basynan ótken oqıǵa jaıly aıtyp ótti. Dárihanaǵa baryp balalarǵa arnalǵan taǵamtaný úlgisin alǵan, alaıda basqa dárihanada osy taýar túri birneshe ese arzan bolǵandyqtan birinshi alǵan dárihanaǵa qaıta baryp, taýaryn qaıtaryp, aqshasyn qaıtarýdy suraǵan. Alaıda dárihanadaǵy farmaevt balalar taǵamy bul «dárilik preparat» jáne zańǵa sáıkes qaıtarylmaıdy dep jetkizip, tutynýshyny aldaǵan. Osy rette departament mamany dárilik preparattar tizbegindegi joq taýarlar dárihanada satylsa da ol «QR Tutynýshylar quqyqtaryn qorǵaý týraly» zańynyń 14 jáne 30 babtaryna sáıkes qaıtarylý qajettigin atap ótti.
Qurmetti tutynýshylar, dárihanada osyndaı jaǵdaıǵa tap bolsańyzdar, bizdiń departamentke habarlasyp ótinish bildirseńizder bolady.
foto: sgon.rospotrebnadzor.ru
