"Adyrnaǵa" alǵys
Dostarym, keshe M.Maqataev atyndaǵy №140 mektep oqýshylary jáne ustazdary,sosyn,basqa da oqyrmandarmen kezdesýge bardym. Kezdesýge muryndyq bolyp júrgen "Adyrna" - ulttyq -etografııalyq birlestigindegi Arman, Beıbit inilerim. Birinshiden, bul aqyn men oqyrman kezdesýi, ózime tym tosyn boldy. Tosyndyǵy, kezdesýdiń ótý formasy men mazmun-mániniń ózgeshiligi. Iaǵnı, meniń kezdesý ótkizýdegi ustanymym, baǵyt-baǵdarymdaǵy aqyn men oqyrman arasynda asaba da, júrgizýshi de bolmaı,taǵy da basqa rásimder aralaspaı, oqyrman men aqynnyń oı bólisip, pikir alysýy, syrlasýy buzylyp, jańa formatta ótti. Bul kezdesý oqyrmanmen birge, ózimniń ózimmen kezdesýim boldy. Qoıylym, meniń óleńderimniń barlyǵyna jýyǵyn qamtyǵan. Ár bólim,ıaǵnı, tórt bólimniń arasynda ár jyldardaǵy telearnalarǵa túskendegi aıtqan oılar men pikirlerimmen qorytylyp, olar qoıylymnyń bólimnen bólimge kóshýine tamasha jeli bolǵan. O da qoıýshy rejısser tapqyrlyǵy. Keıbir óleńderimniń sahnalyq kórinisin kórip, sózin esitip kózime jas keldi. Mysaly, "Aq qaıyń" balladam men "Aýrý ygan" týraly jáne "Aqyn men molda", "Meshittegi qyz" sekildi tragedııalyq óleńderimdi tyńdap, mektep oqýshylary - akterlardyń berile, jan-tánimen oınaǵanyn kórip, tolqyp otyrdym. Naǵyz kánigi akterlar sekildi. Shynaıy. Jasandylyq joq. Kózime jas keldi de. Qolymdy, keýdeme qoıyp, shynymdy aıtaıyn, qoıylym barysynda, aqyn Amanhannyń rólinde oınaǵan oqýshy akterden ózimdi kórip, "osy men ómirden ótip ketken joqpyn ba, osy?" degen oı da qylań urdy.
Maǵan qonaq-aqyn retinde sońynan ǵana sóz berdi. Tolqı sóıledim. Óıtkeni, qoıylymnan alǵan áser tym kúshti edi. Keshte oqylmaǵan jańa týyndym "Rekvıem(jan azasy..)" oqydym. O basta dinı uǵym túsinikten órgen "Rekvıem" janryndaǵy Qýandyq Shańǵytbaev, M. Maqataev jáne orys aqyny Anna Ahmatova shyǵarmalarynyń keı tustaǵy formalyq-mazmundyq úndestigi, jalpy Rekvıem janrynyń qaıdan, qalaı órbigeni, onyń ónerge kelý joly týraly ótken-ketkennen azdap syr shertim. Ekinshiden, bul formattyń maǵan unaǵany, kóńilime qonǵany, onyń tórt bólimnen turatyn "Aı nury alaqanymda" atty qoıylym retinde ótýi. Qoıylymda oqylǵan óleńderdiń taqyryby, mazmun-máni, maǵanasyna oraı jasalǵan kórinister, ishki-syrtqy bezendirýler erekshe nazar aýdardy. Oqylǵan óleńderdiń bir birimen logıkalyq baılanysy baltalasań buzylmastaı tartylǵan. Áserli. Qoıylymdaǵy óleńderdi tyńdap, ári sahnalyq kórinisterdi kórip ózimniń ómirbaıanym kóz aldymnan ótip jatty. Meniń sóz basyndaǵy "oqyrmanmen ári ózimniń ózimmen kezdesýim boldy" deýimniń syry sonda. Al, aqynnyń rolinde oınaǵan 9 synyp oqýshy, ózimdi kóz aldyma keltirdi. Qoıylymda oınaǵan oqýshylar maǵan kánigi akterlardaı áser berdi. Iaǵnı, bul qoıylym Jastar teatry artısteriniń kezekti qoıǵan spektaklindeı boldy. Qoıylymnyń sońyndaǵy qoıýshy rejısserdiń sheshimi de keremet. Qoıylym, meniń óleńimdi oqý arqyly, Muqaǵalı óleńimen túıindeledi. Onyń bári de keremet kórinispen jetkizilgen. Akterlardyń kıgen kıimderi de sondaı jarasymdy, jaqsy, ári ártúrli. Qysqasy, tamasha qoıylym boldy. Úlken saqynaǵa suranyp-aq tur. Qoıylym jalyqtyrmaıdy. Eger, kásibı qoıýshy rejısser tabylsa daıyn dúnıe. Qoıylymda án de, bı de, ishki-syrtqy monolog ta keń oryn alǵan. Dıalog jaqsy qurylǵan. Ásirese, o "Dıalog" degen óleńimdi oqyǵanda, tipti, mazmun - máni artyp ketken.
Mine, meniń óleńderimnen tutas bir júıeli, mazmun-mándi, spektakelge para - par qoıylym qoıyp, kezdesý jasaǵan mektep oqýshylary men ustazdaryna, syrttan kelgen oqyrmandarǵa, mekteptiń basshysy Sánııa Óskenbaıqyzyna jáne "Adyrna" birlestigindegi jigitterge úlken rahmet! Aman bolyńyzdar. Búgingi merekelerińizben quttyqtaımyn! Támat támam!
