Polıııa 4 myńnan asa jol apatyn esepke almaǵan. Bul týraly Qazaqstan Respýblıkasynyń Bas prokýratýrasy polıeıler jol-kólik oqıǵasy týraly málimetterdi jasyryp, burmalaıtynyn aıtty, dep habarlaıdy “Adyrna” ulttyq portaly kolesa.kz saıtyna silteme jasap.
Quqyqtyq statıstıkany burmalaý áreketi kóbeıip ketti. Keıingi úsh jylda tórt myńnan asa jol apaty zań aıasynda tirkelmegeni anyqtaldy, — dedi bas prokýror Berik Asylov.
BaigeNews.kz habarlaǵandaı, Quqyqtyq statıstıka jáne arnaıy esepke alý jónindegi komıteti eldegi jol-kólik oqıǵasy týraly málimetti únemi tekserip, salystyryp otyrady.Degenmen, jazataıym oqıǵany oǵan jaýapty laýazymdy tulǵa jeke paıdasy úshin tirkemeı, jasyryp qalýy múmkin ekenin de aıtty.
Sondyqtan komıtet baqylaýdy kúsheıtip, kináli qyzmetkerlerdi qatań jazalaý arqyly jol apatyn jasyrý faktisin toqtatýǵa bolady dep sanaıdy.
Prokýratýranyń aıyptaýyna jaýap retinde QR ishki ister mınıstriniń orynbasary Igor Lepıoha jol-kólik oqıǵasyn jasyrý faktisine qatysty tergeý júrip jatqanyn aıtty.
Bul faktilerdi Quqyqtyq statıstıka jáne arnaıy esepke alý jónindegi komıtetpen birge tekserip jatyrmyz, eger zań buzǵany anyqtalsa, barlyq qyzmetker jaýapqa tartylady, — dedi polıeı.
Aqparatqa súıensek, polıeıler statıstıkany únemi ózgerte bergen soń osydan on shaqty jyl buryn jol-kólik oqıǵasyn esepke alý fýnkııasy prokýrorlarǵa berilgen.
Bıyl 9 aıda Qazaqstanda jol apatynan 1680 adam kóz jumdy. Byltyr 2425 otandasymyz qara jolda qaza tapqan. 2021 jyly — 2270, al 2020 jyly — 1997 adam. Keıingi bes jylda elimizde jol apaty 10 myńnan asa adamnyń ómirin jalmady, bul oblystyq mańyzy bar qala halqynyń sanymen birdeı.
