Almaty äkımı Erbolat Dosaev jūmys sapary aiasynda Seulge bardy. Almaty delegasiiasyn Seul merıO se Hun qabyldady. Almaty äkımı men Seul merımen ekonomikalyq ösudı qamtamasyz etu mäselesın talqylady, dep jazdy «Adyrna» tılşısı.
Kezdesu barysynda ekıjaqty sauda-ekonomikalyq ärıptestıktı arttyru perspektivalary talqylandy. 2023 jyldyŋ basynan berı Almaty men Koreia Respublikasy arasyndaǧy tauar ainalymy 23,6%-ǧa ūlǧaiyp, 720 mln dollarǧa jettı.
Almaty delegasiiasynyŋ sapary aiasynda qala äkımı Erbolat Dosaevtyŋ töraǧalyǧymen Seul qalasynda sifrlandyru, medisina jäne farmasevtika, maşina jasau, sondai-aq ekologiia jäne ekologiialyq kölık mäselelerı boiynşa Samsung Medison, Samsung C&T, Hyundai Rotem, GL Rapha, SK Ecoplant Co jäne t.b. kompaniialarynyŋ basşylarymen bırqatar kezdesu öttı.
Jūmys sapary aiasynda delegasiia Seul qalasyn basqarudyŋ kölıktık aqparattyq servisınıŋ TOPIS (Seoul Transport operation & Information Service) data-habyna bardy, ol megapolistıŋ kölık jüiesın, Seuldegı tabiǧi apatpen bailanysty körsetkışterdı täulık boiy qadaǧalaidy, sonyŋ nätijesınde qalalyq qyzmetterge olarǧa jedel den qoiuǧa mümkındık beredı.
Öz kezegınde Seul merı O Se Hun Seul täjıribesı jäne qoǧamdyq kölık jüiesın jaŋǧyrtu mäselelerınde ırı tehnologiialyq kompaniialarmen yntymaqtastyq jobalary turaly aitty. Merdıŋ ūsynystarynyŋ bırı Seuldıŋ Almatymen ekıjaqty qarym-qatynasty nyǧaituyna jäne özara ortaq bastamalardy qoldauǧa daiyn ekenıne qatysty boldy.
«Seul – älemdegı eŋ qarqyndy damyp kele jatqan qalanyŋ bırı, qysqa jäne ūzaq merzımdı perspektivada dūrys damu men örkendeudıŋ mysaly. Seuldıŋ tehnologiialyq damu, jedel qoǧamdyq kölıktı jaŋǧyrtu, jeke investisiia tartu, qaldyqtardy kädege jaratu jäne ekologiialyq mäselenı şeşu, turisterdı tartu täjıribesı Almaty üşın qyzyqty ärı paidaly», - dep atap öttı Almaty qalasynyŋ äkımı .
