Ötken jyldyŋ qorytyndysyna säikes el ekonomikasy jaŋa jaǧdailarǧa beiımdelıp, ornyqty damu jolyna tüstı. Qabyldanǧan şaralar nätijesınde ekonomikanyŋ ösımı 5,1%-dy qūrady, dep habarlaidy «Adyrna» tılşısı Ükımettıŋ baspasöz qyzmetıne sılteme jasap.
Negızgı salalardyŋ barlyǧy oŋ dinamika körsettı: qūrylysta – 13,3%, saudada – 11,3%, aqparat jäne bailanys qyzmetterı – 7,1%, kölık qyzmetı – 6,9%, önerkäsıp – 4,3%.
«Negızgı kapitalǧa salynǧan investisiia 13,7%-ǧa östı. Būl rette 2023 jyldyŋ 9 aiynda tıkelei şeteldık investisiia (TŞİ) kölemı $19,7 mlrd-ty qūrady. Onyŋ ışınde $11 mlrd-tan astamy şikızattyq emes sektorlarǧa baǧyttalǧan. Jalpy 2 jyl qatarynan TŞİ körsetkışterı soŋǧy onjyldyqtaǧy eŋ joǧary körsetkışterdıŋ bırıne ainaldy – olardyŋ jyldyq kölemı $26-28 mlrd deŋgeiınde. Qazaqstan TMD elderı arasynda şeteldık investisiialardyŋ jalpy aǧyny boiynşa köş bastap tūr,—delıngen habarlamada.
2023 jyldyŋ 11 aiynda syrtqy sauda ainalymy 2,2%-ǧa ösıp, $126 mlrd-ty qūraǧan.
«Ükımet Ūlttyq bankpen jäne jergılıktı atqaruşy organdarmen bırlesıp infliasiiany baqylau jäne tömendetu jönındegı keşendı şaralardy ıske asyruda. Nätijesınde ötken jyly ol 2 eseden astam tömendep, 9,8%-dy qūrady. 2024 jyly infliasiiany 6-8% deŋgeiınde ūstau mındetı qoiyldy.
2024 jyldyŋ qorytyndysy boiynşa ekonomikanyŋ ösuı 5,3%-dan kem bolmauy tiıs»,—dep jazylǧan habarlamada.
