Ótken jyldyń qorytyndysyna sáıkes el ekonomıkasy jańa jaǵdaılarǵa beıimdelip, ornyqty damý jolyna tústi. Qabyldanǵan sharalar nátıjesinde ekonomıkanyń ósimi 5,1%-dy qurady, dep habarlaıdy «Adyrna» tilshisi Úkimettiń baspasóz qyzmetine silteme jasap.
Negizgi salalardyń barlyǵy oń dınamıka kórsetti: qurylysta – 13,3%, saýdada – 11,3%, aqparat jáne baılanys qyzmetteri – 7,1%, kólik qyzmeti – 6,9%, ónerkásip – 4,3%.
«Negizgi kapıtalǵa salynǵan ınvestıııa 13,7%-ǵa ósti. Bul rette 2023 jyldyń 9 aıynda tikeleı sheteldik ınvestıııa (TShI) kólemi $19,7 mlrd-ty qurady. Onyń ishinde $11 mlrd-tan astamy shıkizattyq emes sektorlarǵa baǵyttalǵan. Jalpy 2 jyl qatarynan TShI kórsetkishteri sońǵy onjyldyqtaǵy eń joǵary kórsetkishterdiń birine aınaldy – olardyń jyldyq kólemi $26-28 mlrd deńgeıinde. Qazaqstan TMD elderi arasynda sheteldik ınvestıııalardyń jalpy aǵyny boıynsha kósh bastap tur,—delingen habarlamada.
2023 jyldyń 11 aıynda syrtqy saýda aınalymy 2,2%-ǵa ósip, $126 mlrd-ty quraǵan.
«Úkimet Ulttyq bankpen jáne jergilikti atqarýshy organdarmen birlesip ınflıaııany baqylaý jáne tómendetý jónindegi keshendi sharalardy iske asyrýda. Nátıjesinde ótken jyly ol 2 eseden astam tómendep, 9,8%-dy qurady. 2024 jyly ınflıaııany 6-8% deńgeıinde ustaý mindeti qoıyldy.
2024 jyldyń qorytyndysy boıynsha ekonomıkanyń ósýi 5,3%-dan kem bolmaýy tıis»,—dep jazylǵan habarlamada.
