"QazMūnaiGaz" ŪK" AQ basqarma basşylyǧy mūnai öŋdeu zauyttarynyŋ satyluyna qatysty aqparatty joqqa şyǧardy, dep habarlaidy "Adyrna" tılşısı.
"Bügın äleumettık jelılerde jäne keibır BAQ-ta Atyrau mūnai öŋdeu jäne Pavlodar mūnai-himiia zauyttaryn jekeşelendıru josparlanyp otyrǧany turaly aqparat tarady. Būl aqparat şyndyqqa janaspaitynyn resmi türde mälımdeimın", - dedı "QazMūnaiGaz" ŪK" AQ basqarma töraǧasynyŋ orynbasary Dmitrii Makeev.
Onyŋ aituynşa, "satylymǧa" qatysty kelıssöz jürgızılgen emes. Qazır QMG mūnai öŋdeu zauyttarynda barlyq öndırıstık prosess ştattyq rejimde jürıp jatyr.
Aita keteiık, BAQ betterınde aldaǧy ekı jylda ekı mūnai öŋdeu zauytyn jekeşelendıru turaly şeşım qazırgı uaqytta memlekettık organdarda kelısu räsımınen ötıp jatqan "Ekonomikany yryqtandyru şaralary turaly" Qazaqstan prezidentı jarlyǧynyŋ jobasynda qamtylǧany habarlanǧan bolatyn.
Mäjılıs deputaty Ermūrat Bapi jelıdegı paraqşasynda būl aqparatqa qatysty pıkır bıldırgen.
"Ekı bırdei mūnai öŋdeu zauytyn Resei satyp alatyn bolsa, erteŋgı künımız Kremldıŋ qas-qabaǧynan tuatyn şeşımge mūqtaj bolyp qalmai ma? Būl qandai ekonomikalyq saiasattan tuǧan qisap? "QazMūnaiGaz" ūlttyq kompaniiasy men Energetika ministrlıgı, memlekettık müddemızge, ūlttyq qauıpsızdıgımızge adam aitqysvz nūqsan keltıretın mūndai esuas sauda-sattyqqa jol beruge bolmaidy! Aitpady demeŋızder, eger osy yqylas-ymyraǧa jol berıletın bolsa, bız qoǧamdy narazylyq aksiiasyna köteruge mäjbür bolamyz! Eldı talan-tarajǧa saludy toqtatu kerek! Jetedı endı", - dep jazdy deputat.
Ūqsas jaŋalyqtar
