«Qozǵalmaıtyn shyǵarsyń orynyńnan, Kóke, seniń astyńnan sý shyqpasa»

1313
Adyrna.kz Telegram
Foto: Facebook
Foto: Facebook

Kóktemdegi kóńil-kúı

Kóktem saıyn aýyldy sý basady,
Kóktem saıyn aǵaıyn shýlasady.
Sýdan qurǵaq shyǵatyn sýaıt kókem
Saly sýǵa ketkendeı túr jasady.

“Belgili ǵoı tasqynnyń júretini,
Sabyr, sabyr” kókemniń biletini.
Balshyq basyp kórmegen sýdaı jańa,
Shirkin, qandaı ádemi sý etigi?!

Bulbul ushyp basymnan muńsyz dáýren,
Kóktem saıyn júregim júr syzdaýmen.
Kópir sýdyń qulady qushaǵyna,
Til tabysyp alǵandaı tilsiz jaýmen.

Kóktem saıyn úılerge sý kiredi,
Astań-kesteń qylady, búldiredi.
Qystan keıin kóktemdi boldyrmaýdyń
Joly bar ma, aǵaıyn, kim biledi?

Naýryz - naýryz bola ma qyrsyqpasa?
Qardyń basyn qar alyp bylshytpasa.
Sáýir aıym keler-aý táýir aıym,
Ýshyqpasa, mal-janym tunshyqpasa.
Qozǵalmaıtyn shyǵarsyń orynyńnan,
Kóke, seniń astyńnan sý shyqpasa.

Ershat Qaıboldın

Pikirler