Su qoimasynda kiıkter jappai qyrylyp qalǧany turaly mälımet tarady, dep habarlaidy "Adyrna" tılşısı "Uralskaia nedelia" basylymyna sılteme jasap.
13 säuırde Batys Qazaqstan oblysyndaǧy Bökei ordasy audanynyŋ Mūratsai auylynyŋ tūrǧyndary kiıkterdıŋ qyrylǧany turaly habarlaǧan. Aldyn ala derekter boiynşa ekı myŋǧa juyq kiık qyrylǧan.
Kiık qyrylǧan jerge "Ohotzooprom" RMK qyzmetkerlerı kelgen. Olar januarlardyŋ ölekselerın şyǧaryp, joiumen ainalysatyn bolady.
Kiık qyrǧynyna bailanysty sarapşylar türlı boljam jasauda. Qystan keiın qatty älsıregen aqbökenderdıŋ bır bölıgı jaǧaǧa şyǧa almai, suǧa batyp kettı dep boljanuda. Taǧy bır mälımet boiynşa kiıkter tüsırılım jasalǧan drondardan şoşyp, su qoima arqyly ötpek bolǧan kezde batyp ketken boluy mümkın.
Jurnalist Lūqpan Ahmediiarov kiık qyrǧynyna qatysty jazba jariialady.
«Batys Qazaqstan oblysynyŋ Bökei ordasy audanyndaǧy su tasqynynan keiın bükıl dala ölgen kiıkterdıŋ öleksesıne tolyp qaldy. Esterıŋızge sala keteiın, ötken jyly Qazaqstan bilıgı būl bökenderdı atuǧa rūqsat bergen bolatyn. Ölgen januarlardyŋ köbı - buaz analyqtar», - dep jazdy Instagram paraqşasynda.
Ūqsas jaŋalyqtar
