Qazaqstanda jańa qaýymdastyq qurylady. Bul týraly sáýir aıynyń basynda «Jańa Adamdar» Jastar qozǵalysy sý tasqynymen kúres kezinde apat aımaqtaryna eriktiler tobyn jiberý úshin jańa qaýymdastyq quratynyn málimdedi, dedi dep habarlaıdy “Adyrna” ulttyq portaly.
«Bárimizge qatysty» naýqany arqyly sý apaty kezinde kómekke muqtaj aımaqtarǵa ondaǵan tonna gýmanıtarlyq kómek jiberildi. Sondaı-aq júzdegen adam ártúrli toppen Kókshetaý, Petropavl, Oral, Atyraý jáne Aqmola oblysynyń birneshe aýylyna bardy.
Sý basqan óńirlerge júzdegen jas apatpen kúreske kómektesý úshin jóneltildi. Olar bóget salý, qapqa qum toltyrý jáne ózge de jumystarǵa atsalysty.
Elimizdegi tabıǵı apat Qazaqstanda jańa qaýymdastyqtyń qurylýyna sebepker boldy. «Jańa Adamdar» Jastar qozǵalysy qaýymdastyq ataýyn «Jaǵdaıǵa nemquraıly emes jandar» dep atady.
Aıta keteıik, «Jańa Adamdar» qozǵalysy 2022 jyldyń tamyzynda quryldy. Qozǵalys jetekshisi Ásel Bádenovanyń aıtýynsha, onyń 700 múshesi bar.
Atalǵan qozǵalys bıyl aqpan aıynda el turǵyndaryna eltańbany aýystyrý týraly usynys jasaǵan bolatyn.
"Alaıda biz biletin eltańba qundylyqtarymyz jaıly syr shertpeıdi ári bolashaqqa jol silter rámiz emes. Saýalnamaǵa qatysqan qazaqstandyqtardyń 70 paıyzy eltańbamyzdy tanı almady. Qazaqstan – qazirgi zaman talaptaryna saı alǵa úlken maqsattar qoıyp, jańa belesterdi baǵyndyrý jolynda. Biz, Jańa adamdar, jaýapkershiligi zor maqsattarǵa bet alǵan jas memleketke tyń kózqarastaǵy jańa rámizdiń kerek ekenin senimdilikpen jetkizgimiz keledi. Jańa eltańba – jahandyq ózgerister oryn alǵan shaqta bizdiń memleketimizdiń naqty orny qaıda ekenine jaýap berýi kerek", – dedi olar.
