Saryaǧaşta jantürşıgerlı qylmysqa qatysty derekter paida boldy. Mürdesı därethanadan tabylǧan Asylymnyŋ ölımı jazataiym oqiǧa boomaǧany anyqtalyp otyr, dep habarlaidy "Adyrna" ūlttyq portaly Kyn.kz portalyna sıltep.
Bırneşe uaqyt būryn 3 jasar Asylym joǧalyp ketken kezde bükıl Saryaǧaş audany aiaǧynan tık tūryp balany ızdeuge kırısken. Barlyq su maŋy men oi-qyrdy aralap ızdegen qūzyrly organ qyzdyŋ ölı denesın körşısınıŋ därethanasynan tapqan.
Saraptama qorytyndysyna säikes, "büldırşındı eşkım azaptap öltırgen joq" degen qorytyndy jasaldy. Sol sätte qara jamylǧan otbasy qyzdarynyŋ denesın jer qoinyna tapsyrǧan.
Araǧa 1 ai salyp osyǧan ūqsas
jaǧdai tırkelgen. Sırgelı auylynda 5 jastaǧy Nūrai esımdı qyz bır ölımnen aman qaldy. Ony körşınıŋ 17 jastaǧy qyzy azaptap, äjethana tesıgıne tastamaq bolǧan. Abyroi bolǧanda jasöspırımnıŋ būl äreketın auyl tūrǧyny körıp, kömekke jügırıptı.
5 jastaǧy Nūrai qyzdyŋ arqasynan ūryp, özın tamaǧynan buyndyrǧanyn aitqan.
2 ai boiy tergelgen boijetken 3 jasar Asylymdy da özı öltırgenın moiyndap, oqiǧany aityp bergen.
Auyl tūrǧyndary küdıktıge auyr jaza taǧaiyndaudy sūraidy. Al qyzdyŋ densaulyǧynda kınäraty bar ne joǧy anyqtalyp, ıs örbıp jatyr.
