Belarus prezidentı Aleksandr Lukaşenko toǧyz eldıŋ elşılerıne senım gramotalaryn tapsyru kezınde Qazaqstandy “dos ärı odaqtas” dep atady, dep habarlaidy “Adyrna” ūlttyq portaly «Pervyi informasionnyi» telearnasyna sıltep.
«Qazaqstan – bız üşın maŋyzdy, uaqyt synynan ötken dos, strategiialyq serıktes jäne odaqtas. Bügınde ekı eldıŋ ortaq müddesı joq sala ıs jüzınde joq. Yntymaqtastyqtyŋ joǧary dinamikasyn jyl saiynǧy milliard dollarlyq tauar ainalymy men önerkäsıptık kooperasiiadaǧy tabysty jobalar däleldeidı», - dedı Lukaşenko.
Belarus Prezidentı Qazaqstan Prezidentı Toqaevqa Qazaqstannyŋ Şanhai yntymaqtastyq ūiymyna töraǧalyǧy kezınde elge körsetılgen jan-jaqty qoldauy üşın alǧys aitty.
Eske salaiyq, tamyz aiynda Belarus prezidentı Aleksandr Lukaşenko «Rossiia 1» telearnasyna bergen sūhbatynda:
«Bız keibır postkeŋestık memleketterımız siiaqty äbıgerge tüsıp jatqan joqpyz. Olar Reseiden bırdeŋe alǧylary keledı, bıraq onyŋ ornyna eşteŋe bermeidı. Būlai jūmys ıstemeidı. Bırge bolaiyq! Sol Reseige kelıp, qoldau, kömek sūraityn uaqyt alys emes», – degen bolatyn.
Osydan keiın Qazaqstannyŋ Syrtqy ıster ministrlıgı Belarus elşısı Pavel Utiupindı şaqyrǧan edı. Ministr Mūrat Nūrtıleu Qazaqstannyŋ BŪŪ Jarǧysy men halyqaralyq qūqyqtyŋ negızgı normalaryna säikes teŋgerımdı jäne beibıtşıl syrtqy saiasat jürgızıp jatqanyn ataǧan.
«Bızdıŋ elımız memleketter arasyndaǧy barlyq kelıspeuşılıkter saiasi jäne diplomatiialyq jolmen şeşıluı tiıs ekenıne nyq senımdı. Qazırgı geosaiasi jaǧdaida Memleket basşysy äzırlegen elımızdıŋ syrtqy saiasi baǧyty özınıŋ tiımdılıgın körsettı. Osyǧan bailanysty ministr belarus tarapyn Astananyŋ bolyp jatqan üderısterge qatysty ūstanymyn obektivtı baǧalauǧa şaqyrdy», - degen Qazaqstan Respublikasy Syrtqy ıster ministrlıgınıŋ baspasöz qyzmetı.
