Biyl köktemde Pavlodar oblysynda ormannan tabylǧan köp balaly şeteldık otbasy Reseige deportasiialandy, dep habarlaidy “Adyrna” ūlttyq portaly Tengrinews.kz saityna sıltep.
Būǧan deiın Pavlodar oblysy Kemeŋger auylynyŋ maŋyndaǧy ormanda ūiyqtap jatqan erlı-zaiyptylar men olardyŋ balalary turaly aqparat taraǧan. Aǧymdaǧy jyldyŋ mamyr aiynda olardy auyl tūrǧyndary anyqtap, jergılıktı bilıkke tapsyrǧan.
Jaqynda Pavlodarda sot Resei azamaty, 36 jastaǧy köp balaly äkenı elden şyǧaru turaly şeşım şyǧardy. Sot keŋsesınıŋ mälımetınşe, ol köşı-qon zaŋnamasyn būzǧany üşın kınälı dep tanylyp, üş täulıkke qamauǧa alynyp, keiın Qazaqstannan deportasiialanǧan.
Sotta alty balanyŋ äkesı öz kınäsın moiyndap, būryn da osyǧan ūqsas qūqyq būzuşylyq üşın äkımşılık jauapkerşılıkke tartylǧanyn, bıraq materialdyq jaǧdaiynyŋ qiyndyǧyna bailanysty sot taǧaiyndaǧan aiyppūldy tölei almaǧanyn aitty.
«Sonymen qatar er adam balalarynyŋ qūjattaryn rettep jatqanyn jäne äielı, balalarymen bırge jaqyn arada Resei Federasiiasyna tūraqty tūruǧa ketudı josparlap otyrǧanyn aitty», - delıngen sot qūjatynda.
Sot būiryǧynda deportasiialau merzımı 2024 jyldyŋ 22 qazanynda aiaqtalady dep körsetılgen. Qazaqstandaǧy Bala qūqyqtary jönındegı uäkıl Dinara Zäkievanyŋ habarlauynşa, reseilık pen onyŋ balalary üilerıne jıberılgen. Bıraq kämeletke tolmaǧandardyŋ anasy Pavlodarǧa qaituǧa mäjbür boldy.
«17 qazanda ata-analary men balalary Pavlodardan Barnaulǧa kettı, bıraq anasyn Resei Federasiiasynyŋ şekarasynda ötkızuge rūqsat bermedı. Qazır onyŋ tölqūjatynyŋ jaramdylyǧy turaly mäsele tuyndady jäne viza mäselesın osynda şeşemız. Olar ony ūşaqpen jıberedı», - dep tüsındırdı Tengrinews.kz tılşısıne Dinara Zäkieva.
Būǧan deiın otbasynyŋ anasy ormanda bırge tabylǧan alty kışkentai balanyŋ barlyǧy da öz balalary ekenın sot arqyly däleldegen. Äiel DNQ analyq test tapsyrdy. Mamandar er adamnyŋ da balalardyŋ qandy äkesı ekenın anyqtady.
Aǧymdaǧy jyldyŋ mamyr aiynda sot köşı-qon zaŋnamasyn būzǧan azamatty 25 AEK kölemınde jazalap, aiyppūldy 64 610 teŋgege deiın azaitty.
Resei azamatynyŋ Qazaqstannan 2016 jyldyŋ qyrküiegınde ketuı kerek bolǧany, onyŋ ornyna Pavlodarda şeteldık qyzben zaŋsyz tūruyn jalǧastyrǧany, erlı-zaiyptylardyŋ alty balasy: ekeuı jergılıktı perzenthanada, qalǧany üide bolǧany habarlanǧan. Er adam äielın özı jetkızgen.
Esterıŋızge sala keteiık, aǧymdaǧy jyldyŋ mamyr aiynda Pavlodar oblysy Kemeŋger kentınıŋ maŋyndaǧy ormanda ūiyqtap jatqan şeteldıkter tabylǧan bolatyn. Olardy tapqan jergılıktı tūrǧyndar balalardyŋ jylaǧan dauysyn estıgen.
Köp balaly janūiany anyqtaǧan soŋ, ana men balalar baqylau men kütım üşın auruhanaǧa jatqyzyldy. Bosanǧannan keiın otbasynyŋ äkesı olarǧa jeke üi jaldap berdı.
Bır aidan keiın er adam Tengrinews.kz tılşısıne otbasymen qala syrtynda arzan jaldamaly baspana ızdep jürgenın, tek ormanda demalatynyn aitty.
