Resei prezidentı Putinnıŋ Astanaǧa sapary kezınde äuejai men jinalys zalyndaǧy aspan tüstes kılem men kılem şetındegı oiu-örnekter maǧan qazaqtyŋ qasiettı tuyn eske tüsırdı.
Tu är memleket üşın kielı. Ony aiaǧymyzdyŋ astyna emes, basymyzdyŋ üstınde köterıp alyp jüruımız kerek.
Ärine, būl kılemnıŋ tüsı men örnektı jasaǧan dizainyrlar tuǧa ūqsas bolsyn dep oilamaǧan şyǧar. Olar mümkın şetten kelgen qadyrly meimandardy qazaqtyŋ ūlttyq boiauy jäne naqyşymen qarsy alǧanymyz dūrys degen şyǧar.
Alaida ol syrt közge qazaqtyŋ jalauy retınde körınuı mümkın. Onda qadyrly meimandar, “qazaq degen qalai halyq? Olardyŋ ūǧymynda qūrmetteu mümkın osylai bolatyn şyǧar dep” qate oilauy mümkın.
Mūndai jaŋsaq oilarǧa sebep boludan aulaq bolu kerek şyǧar. Halyqaralyq standart boiynşa, köp elderde mūndai saltanatty oryndardaǧy kılemder qyzyl tüstı bolady.
Bız de mūny halyqaralyq ürdıske sai jasasaq, nemese kök tüstı kılem qoldanǧannyŋ özınde tuǧa ūqsap ketpes üşın şetındegı oiu-örnekterdı alyp tastasaq, söitıp kielı tuymyzdyŋ nyşandary aiaq astyndaǧy kılemge kestelengen degen tüsınıkten arylar edık.
Osylaişa ūlttyq tudyŋ bedelıne nūqsan keltıretın oqys oqiǧalardyŋ aldyn alǧan bolar edık.
Äbdıuaqap Qara
Ūqsas jaŋalyqtar
