Qatoŋ-Qaraǧai audanyndaǧy Patşalar aŋǧarynda osymen bırneşe jyl qatarynan auqymdy arheologiialyq qazba jūmystary jürgızılıp keledı.
Patşalar aŋǧarynda jürgızılgen qazba jūmystary kezınde tabylǧan süiek bızdıŋ zamanymyzǧa deiıngı III-IV ǧasyrlarda ömır sürgen äielge tiesılı,- dep habarlaidy e-history.kz portaly sn.kz portalyna sılteme jasap. Asa qūndy jädıgerler arheologiialyq aumaqtaǧy №2 qorǧannan tabyldy. Ǧalymdar būl jerde sensasiialyq jaŋalyqtyŋ bolaryn osydan üş jyl būryn aitqan ekn. Tabylǧan adam süiegın arheologtar saq hanşaiymy ekenın aityp otyr. Adam mürdesımen bırge ǧalymdar qorymnan türlı jädıgerler jäne jetı jylqynyŋ süiegın de qazyp alypty. Būl jerlengen äieldıŋ asa tektı tūqymnan ekenın körsetedı deidı olar. Qatoŋ-Qaraǧai audanyndaǧy Patşalar aŋǧarynda osymen bırneşe jyl qatarynan auqymdy arheologiialyq qazba jūmystary jürgızılıp keledı. Būl jerde Älkei Marǧūlan atyndaǧy arheologiialyq instituttyŋ basty ǧylymi qyzmetkerı Zeinolla Samaşev bastaǧan otandyq jäne şeteldık mamandar zerteumen ainalysyp jatyr. "Bız älı qazba jūmystaryn aiaqtaǧan joqpyz, bıraq tapqan dünielerımızden dereu muzei jasap jatyrmyz. Muzei ǧylymynda būl alǧaşqy jaǧdai. Endı Berel qorǧany jaily barlyq mälımettı, onda tabylǧan jädıgerler turaly tek ǧalymdar ǧana bılıp qoimaidy, sonymen qatar, bükıl qyzyqqan azamattardyŋ da oǧan qoly jetımdı. Qorǧanǧa kelgen kez-kelgen adam bızdıŋ ata-babalarymyzdyŋ bai tarihynan habardar bolyp, barlyǧyn da öz közımen körıp qaitady", - deidı Z.Samaşev. Aita keteiık, ŞQO-da qazırgı taŋda aspanasty muzeiın salu jūmystary jürıp jatyr. Negızgı jädıgerlerdıŋ bırı №2 qorǧan bolmaq. Foto avtory: Kamilla Tastanbekova
"QAZAQSTAN TARİHY"
