Reseilık Forbes «30 jasqa deiıngı eŋ perspektivaly 30 reseilık» jyldyq reitingınıŋ tızımın ūsyndy. Qazaqstandyq di-djei TMD-da bırınşı bolyp Gremmi syilyǧyn jeŋıp alǧan Imanbek (İmanbek Zeikenov) būl tızım qataryna endı, dep habarlaidy "Adyrna" ūlttyq portaly.
Ol Slava Marlou, Klava Koka, Haski, LOVANDA, Krem Soda, IC3PEAK, Niletto, HammAli & Navai jäne Dora siiaqty tanymal änşılermen bırge ūsynyldy. Osy sılteme boiynşa ötıp, qazaqstandyqqa dauys bere alasyz.
Forbes reitingıne 30 jasqa deiın käsıbi qoǧamdastyqta tanymal bolyp, bükılreseilık nemese tıptı älemdık deŋgeide tanymal bolǧandar kıredı. 20 jastaǧy didjei İmanbek Zeikenov bedeldı Gremmi baiqauyna ūsynylǧan alǧaşqy qazaqstandyq boldy. Ol SAINt JHN-nyŋ «Roses» änıne remiks jazǧan edı. Būndai jetıstıkke jeter aldynda İmanbek Aqsuda temırjolşy bolyp jūmys ıstegen. Ol muzykalyq bılımge özı qyzyqqan.
https://youtu.be/2zToEPpFEN8
100 ümıtkerlerden tūratyn Forbes reitingınıŋ long-listın redaktorlar sarapşylardyŋ kömegımen jasaidy: käsıpkerler, menedjerler, investorlar, keŋesşıler. Nätijesınde jyl saiyn bırneşe ondaǧan adam ūzaq tızımge enedı. Ūzyn tızımnen qazylar alqasy, redaksiia ūjymy jäne oqyrmandar är nominasiia boiynşa üzdık 30, är kategoriiaǧa laiyqty üş laureatty taŋdaidy.
"Adyrna" ūlttyq portaly
Ūqsas jaŋalyqtar
