1992 jyldyń 4 maýsymy - qazaq halqy úshin mańyzdy kún. Dál osy kúni búkil álem táýelsiz, azat ekenimizdi moıyndap, qazaq eliniń rámizderi qabyldandy.
Beıbit kúnge jetýdi ańsaǵan babalardyń erligi eshqashan umytylmaq emes. Tarıh betterin qarar bolsańyz da, osy azattyqty hám beıbitshilikti bizge syılaý úshin qansha qan men ter tógildi. Al biz sony baǵalap júrmiz be?
2007 jyly 4 maýsymda Elbasymyz N. Á.Nazarbaev «QR memlekettik rámizderi týraly» Konstıtýııalyq zańǵa qol qoıyp, memlkettik rámizderdiń qoldaný aıasyn naqtylap bergen edi.
Sodan beri qansha jyl ótse de, ózimizdiń ulttyq rámizderimizge ózimiz syılastyq tanyta almaı kelemiz. Qanshama olımpıadalyq oıyndarda eski Ánuran qosylyp, al endi birinde óz Ánuranymyzdy bilmeı turǵan sportshylardy da kórdik. Máselen, 2015 jyly Horvatııada ótken týrnırdiń marapattaý rásiminde Qazaqstan Ánurany durys qoıylmady. Tipti keıbir olımpıada da Ánurannyń ornyna qazaq ultyn masqaralaıtyn Borat atty kınodaǵy mýzykanyń qosylyp ketýi kóptiń ashýyna tıdi. Ótken jyldyń ózinde ish kıimine qazaqtyń týyn beınelep, áleýmettik jelide shamymyzǵa tıgen taǵy bir essizdiń qylyǵyna kýá boldyq. Jelide Aýstralııanyń Bondaı Bıch jaǵajaıynda túsirilgen fleshmobqa baılanysty vıdeo tarap, halyq ábden ashýlandy. Bılikten sol kezde de eshqandaı is- qımyl bolǵan joq. Biraq olımpıadalyq oıyndarda baıqaıtynymyz, Ánuran bizdiki emes, ózge memlekettiki bolsa da únsiz tura beretin sportshylar tańqaldyrady. Sondyqtan halyqtyń arasynda durys túsinik qalyptastyrý kerek. Sebebi sportshy da, depýtatta, ánshi de, ákimde halyqtyń ishinen shyǵady. Biz áli óz rámizderimizdiń avtorlaryn tolyq bilmeımiz. Rámizderdi qurmetteý qazaq halqynan bastaý alsa deımin.
Ózge elde óz týymyzdyń asqaqtap turǵanyn kórsek, ánuranymyz shyrqalsa keýdemizde qýanysh kerneıtini anyq. Eger biz ózimizdi ózge ulttar syılaǵanyn qalasaq, aldymen biz ózimizdi ultymyz ben dinimizdi, salt- dástúrimizdi syılap úırengenimiz abzal.
