1992 jyldyŋ 4 mausymy - qazaq halqy üşın maŋyzdy kün. Däl osy künı bükıl älem täuelsız, azat ekenımızdı moiyndap, qazaq elınıŋ rämızderı qabyldandy.
Beibıt künge jetudı aŋsaǧan babalardyŋ erlıgı eşqaşan ūmytylmaq emes. Tarih betterın qarar bolsaŋyz da, osy azattyqty häm beibıtşılıktı bızge syilau üşın qanşa qan men ter tögıldı. Al bız sony baǧalap jürmız be?
2007 jyly 4 mausymda Elbasymyz N. Ä.Nazarbaev «QR memlekettık rämızderı turaly» Konstitusiialyq zaŋǧa qol qoiyp, memlkettık rämızderdıŋ qoldanu aiasyn naqtylap bergen edı.
Sodan berı qanşa jyl ötse de, özımızdıŋ ūlttyq rämızderımızge özımız syilastyq tanyta almai kelemız. Qanşama olimpiadalyq oiyndarda eskı Änūran qosylyp, al endı bırınde öz Änūranymyzdy bılmei tūrǧan sportşylardy da kördık. Mäselen, 2015 jyly Horvatiiada ötken turnirdıŋ marapattau räsımınde Qazaqstan Änūrany dūrys qoiylmady. Tıptı keibır olimpiada da Änūrannyŋ ornyna qazaq ūltyn masqaralaityn Borat atty kinodaǧy muzykanyŋ qosylyp ketuı köptıŋ aşuyna tidı. Ötken jyldyŋ özınde ış kiımıne qazaqtyŋ tuyn beinelep, äleumettık jelıde şamymyzǧa tigen taǧy bır essızdıŋ qylyǧyna kuä boldyq. Jelıde Australiianyŋ Bondai Bich jaǧajaiynda tüsırılgen fleşmobqa bailanysty video tarap, halyq äbden aşulandy. Bilıkten sol kezde de eşqandai ıs- qimyl bolǧan joq. Bıraq olimpiadalyq oiyndarda baiqaitynymyz, Änūran bızdıkı emes, özge memlekettıkı bolsa da ünsız tūra beretın sportşylar taŋqaldyrady. Sondyqtan halyqtyŋ arasynda dūrys tüsınık qalyptastyru kerek. Sebebı sportşy da, deputatta, änşı de, äkımde halyqtyŋ ışınen şyǧady. Bız älı öz rämızderımızdıŋ avtorlaryn tolyq bılmeimız. Rämızderdı qūrmetteu qazaq halqynan bastau alsa deimın.
Özge elde öz tuymyzdyŋ asqaqtap tūrǧanyn körsek, änūranymyz şyrqalsa keudemızde quanyş kerneitını anyq. Eger bız özımızdı özge ūlttar syilaǧanyn qalasaq, aldymen bız özımızdı ūltymyz ben dınımızdı, salt- dästürımızdı syilap üirengenımız abzal.
Ūqsas jaŋalyqtar
