Kesheleri bir UOK-niń jaýapty basshylarynyń biri "Bizdiń qurama olımpıada oıyndarynda medal sanymen TMD elderiniń ishindegi Reseı men Ýkraınadan keıingi úshinshi oryn aldyq..." dep tur deıdi! Uıalǵan tek turmas dep, amalyn taýyp maqtanǵan túrleri bolsa kerek. Shyntýaıtyna kelgende bizder TMD elderiniń arasynda biz 13-shi orynda turmyz. Bizden keıin tek qana Moldava men Tájikstan ǵana. Medaldardyń sany boıynsha da 3-shi orynda Grýzııa tur!
Al, olımpıadadaǵy eń sońǵy oryndardyń birinde qalýymyzdyń sebebi jaıly ázirge aýyzdaryn da ashqan joq. Artaev pen Sápıev sekildi burynǵy sportshylar ǵana ony-muny usynyp, UOK-niń bolashaqqa degen josparlarynyń(áli bekitilmegen) shetin ashqandaı bolyp jatyr.
Biraq, bul sebepti anyqtaý emes - sebebinen jaltarý sekildi.
Qytaı UOK ózderiniń olımpıadadaǵy sátsiz óner kórsetip, AQSh-tan keıingi ekinshi oryn alyp qalǵandarynyń sebebin "Bizder ózimizdiń sporttyq medıına salasyna ǵylymı progresti ýaqtyly engizbeýimizden jáne sportshylarǵa jattyǵýlarda qoldanýdyń ınnovaııalyq ádisterin sál kesh engizýden, ádistemeniń jetilmegendiginen jáne t.b...." sebepterdiń saldarynan utylyp qaldyq degen málimdeme jasapty. Iaǵnı, olar olımpıada ótip jatqan kezde ózderiniń kemshil tustaryn zertteýdi qatar júrgizip otyrǵan. Sondyqtan, ózderiniń ekinshi oryn alyp qalýlarynyń sebebin qysqa ýaqytta málimdep otyr. Sondaǵysy AQSh-tan bir ǵana altyn kem túsip otyr.
Qytaı osylaı ózderiniń kemshiligin ashyq jarııalap otyrǵanda, bizdińkiler ebin taýyp Qazaqstandy áıteýir bir tizimniń "úshtigine kirgizip" qoıyp óz-ózderimizdi aldaýmen aınalysyp otyrǵany óte kúlkili.
Osy jaýaptaryn estigende myna bir anekdot esime túsip kettiǵoı.
Ilgeride bir ótirik aıtqysh sýaıt qushaǵyn barynsha ashyp turyp osyndaı qyryq qulash balyq ustap aldym dese, aýylyndaǵylar kúlip senbesten "Sál qysqarsaı" depti. Sóıtse álgi sabaz "Maqul! Biraq, balyqtyń aýyzy mynandaı edi" dep, qushaǵyn taǵyda aıqara ashyp kórsetip tur deıdi. Sodan, aýyldastary "Áı! Mynaý qoımaıdy eken. Eki qolyn biriktirip baılap tastaıyqshy. Kóreıik sosyn qalaı kórseter eken ótirigin" dep eki qolyn aldyǵa baılap qoısa, álgi sabaz baılanǵan qoldarymen fotodaǵydaı etip kórsetip alyp "Sol balyqtyń kózderi mynandaı edi!" dep tur deıdi.
Rústem ÁShETAEV,
"Adyrna" ulttyq portaly
