Şeteldık kölık ielerı üşın jedel jelı ıske qosyldy, dep habarlaidy “Adyrna” ūlttyq portaly.
«Almatyda basqa elderde tırkelgen kölık qūralyn paidalanu erejelerın tüsındıruge arnalǧan sall-ortalyqtary jūmys ısteidı. Äkımşılık polisiia basqarmasynyŋ mälımetınşe, auyzşa keŋestı 8-747-733-10-20 telefon nömırı arqyly aluǧa bolady»,- dep habarlady Almaty qalalyq polisiia departamentınıŋ baspasöz qyzmetı.Qazaqparattyŋ habarlauynşa, būǧan deiın QR Işkı ıster ministrlıgı reseilık nömırlı kölıkterdı tırkeude eşqandai jeŋıldıktıŋ bolmaitynyn mälım etken bolatyn. QR IIM Äkımşılık polisiia komitetı töraǧasynyŋ orynbasary Serık Tüsıpovtyŋ aituynşa, Qazaqstan aumaǧyna syrttan äkelıngen kez kelgen kölık zaŋǧa sai tırkeuden ötuı tiıs. Jäne talap barlyq azamattarǧa ortaq. Iаǧni kölık tırkeuge qatysty zaŋda belgılı bır sanattaǧy azamattarǧa jeŋıldık jaǧy qarastyrylmaǧan. Sondyqtan da elımızde tırkelmegen kölık ielerı erejege baǧynuy kerek. Olai bolmaǧan jaǧdaida zaŋ aiasynda avtokölıgı tärkılenıp, iesıne aiyppūl salynady. Aita ketsek, Qazaqstanda jürgen reseilık nömırlı 88 myŋ kölıktıŋ tırkeuden şyǧarylǧany anyqtaldy.
“Adyrna” ūlttyq portaly
Ūqsas jaŋalyqtar
