Adam etın jegen: "5:32" serialyndaǧy maniaktardyŋ şynaiy ömırdegı beinesı qandai?

Soŋǧy uaqytta el auzynda jürgen, 90-jyldardaǧy adam öltıruşıler jaily tüsırılgen "5:32" veb-serialy milliondaǧan qaralym jinauda. Eŋ qyzyǧy, serial şynaiy oqiǧaǧa negızdelgen. Ärbır seriiadaǧy maniaktar şynaiy ömırde bolǧan adamdar. Olar kımder?  Veb-serialdyŋ bırınşı seriiasynda maniak-taksistterdıŋ oqiǧasy beinelenedı. Vokzaldan üiıne qaitpaq bolǧan alysta tūratyn qyzdardy arzan baǧada üige jetkızemın dep aldaǧan taksist, jospar boiynşa jolauşy qyzdy aldyŋǧy oryndyqqa otyrǧyzyp alady. Jolai kezdesken sybailas jıgıttı, jolauşy dep aldap, artqy oryndyqqa otyrǧyzady. Sybailasy artqy oryndyqta otyryp, temır symmen qyzdy qylqyndyryp öltırıp, keiınnen zorlap, örtep jıberedı. Bırınşı bölımde körsetılgen oqiǧa şyn ömırde 2011-2012 jyldary arasynda Şymkent qalasynda oryn alǧan. Qorqynyşty oqiǧada qylmysker synyptastaryn zorlaǧan, artynşa öltırgen. Ömırdegı esımı - Bolatbai Berdaliev, al joldan otyrǧan sybailasynyŋ esımı Abduseit Ormanov. Osyndai jospar boiynşa qanşama qylmys jasaǧan ekı dos, ūstalyp, ömır baqi bas bostandyǧynan aiyru jazasyna kesıledı.     Serialdyŋ ekınşı bölımınde adamdardy öltırıp, etınen beliaşi jasap satqan äiel keiıpker turaly baiandalady. Ssenarii jelısı boiynşa, äiel köşedegı alqaştarǧa araq berıp qatyryp, artynşa öltırıp, denesın bölşektep, etınen beliaşi jasaidy. Ony özı de jep, satyp tıptı, käsıp qylady. Būl keiıpker  negızınen şynaiy ömırdegı Nikolai Jūmaǧaliev esımdı seriialy maniaktyŋ protatipı. Nikolai özınıŋ alǧaşqy qūrbanyn qalai öltırdı? 1979 jyly qaŋtar aiynda Ūzynaǧaş – Maibūlaq tas jolynda Jūmaǧaliev jalǧyz jürıp bara jatqan qyzdy körıp qalady. Jas jıgıt qyzdy artynan quyp jetıp, keude tūsyna pyşaq sūǧyp, būtalardyŋ arasyna süirep aparǧan. Qyzdy jerge qūlatqan Jūmaǧaliev pyşaqty onyŋ tamaǧynan tılıp, qanyn ışe bastaǧan. Maniakty būl äreketke onyŋ okkultizmge degen qūmarlyǧy itermeledı: ol özınıŋ oqyǧan kıtaptarynyŋ bırınde adamdy tamaǧynan kesu arqyly janynyŋ deneden qalai şyǧatynyn köruge bolatynyn oqyǧan. Sonymen qatar, Jūmaǧaliev kıtaptardan qūrbanynyŋ qanyn ışu arqyly adam körıpkeldık qabıletke ie bolatyny jaiynda oqyp bılgen. Bıraq şyndyǧynda ol, qyzdy öltırıp onyŋ janyn qalai şyqqanyn köre almady jäne eşqandai tylsym küşterge ie bolmady - bıraq qarapaiym maniak atandy. Jūmaǧaliev öltırgen qyzdyŋ etın tamaqqa paidalanudy josparlap, mäiıttı soiyp, bölşektei bastaǧan. Ol bır aiǧa juyq alǧaşqy qūrbanynyŋ etın jedı: pısırıp, quyryp, tūzdady, sonymen qatar kotletter men tūşpara da pısırdı. Jūmaǧaliev dene qaldyqtaryn pūtqa tabynuşylyq räsımderı üşın paidalandy. Qūrbannyŋ qaldyq denesın kezdeisoq ötıp bara jatqandar 25 qaŋtarda Fabrichnyi auyly maŋyndaǧy qoqys tastaityn jerden tauyp alǧan. Törtınşı seriiadaǧy jalǧyz aiaqty şaldyŋ oqiǧasy da ömırden alynǧan. Onyŋ şyn ömırdegı esımı - Aleksandr Dudnik. Al būl oqiǧa şynaiy ömırde de däl serialdaǧydai boldy: Vişnevka auyly, 1993 jyl. Sol jyldary osy auyl aimaqtarynda qatynau kölıkterı az bolatyn. Natalia esımdı jas aru, öz auylyna anasyna kartop qazuǧa kömektesuge barmaqşy bolady. Alaida aq niettı aru qyz, üiıne, anasyna jete almady. Qyzdyŋ denesın bır aidan soŋ auyl maŋyndaǧy ormannan mal baǧuşylar tauyp alady. Sanauly künderden soŋ osy audannan taǧy bır äieldıŋ joǧalǧany turaly derek kelıp tüsedı. Üş balanyŋ anasy bolǧan äieldıŋ joǧalǧany turaly ıs aiaqtalmaǧan küiı köktemge deiın qalady. Keiınnen 1994 jyldyŋ mausym aiynda taǧy bır äiel joǧalyp ketedı. Būl jolǧy ıske täjıribelı poliseiler men jurnalister de jūmyldyryldy. Anyqtalǧan faktıler boiynşa, äiel jolǧa şyqqan künı joldan jürıp ötken jürgızuşı alystan bır qarany baiqaǧanyn baiandaǧan. Erekşelıgı ol kärı kısı, ärı  bır aiaǧy joq, degen eken. Al būl 56 jastaǧy sol Aleksandr bolatyn. Aleksandr sol uaqytqa deiın de, "Zorlau" baby boiynşa türmede otyryp şyqqan. Ol on bes jylǧa sottalǧan bolatyn. Tıptı bır ret jertöle arqyly türmeden qaşyp ta ketken eken. Oǧan ölım jazasy taǧaiyndalǧanymen sot şeşımı meiırımdılık tanytyp, onyŋ bas bostandyǧynan aiyru jazasyn 18 jylǧa ūzartty. Alaida osy jolǧy qylmystary üşın Aleksandrǧa rasymen de, ölım jazasy taǧaiyndaldy. Osylaişa ony 1996 jyldyŋ 5 säuırınde atu jazasyna kestı.

"Adyrna" ūlttyq portaly