Darıǵa Badyqova qazaqstandyq qyzdardyń tárbıesi men Almatydaǵy tártipsizdikter kezinde dúken tonaǵan názik jandylarǵa qatysty oı qozǵady. Aktrısa shendilerdi "ury" dep aıyptap, alaıda ózderi de urlyqqa barǵan halyqqa qatysty pikirin bildirdi, dep habarlaıdy "Adyrna" ulttyq portaly stan.kz-ke silteme jasap.
Badyqova monshada bolǵan oqıǵasymen bólisti.
"Men monshany jaqsy kórem, aptasyna bir ret mindetti túrde baramyn. Monshanyń ár bólmesine kirýdiń ózindik erejeleri, elementarnyı etıkalary bar, biletin shyǵarsyzdar? ⠀
Máselen, ystyq par bólmege kirmes buryn áýeli dýshqa kirip jýynyp-shaıynýyń kerek, basseınge basyńa arnaıy shapkańdy kıip túsýiń kerek degendeı…⠀
Aıtaıyn degenim, sol jerde oryssha shúldirlegen, ózderin sumdyq ıntellıgentpiz dep turǵan biren-saran qyzdar álgi nárselerdiń eshqaısysyn istemeıdi ǵoı.⠀
Men ár kirgen kelinshekterdiń qalaı kirgenin kórip otyrmyn, jýynbaı-shaıynbaı par bólmege kirdi. 1-2 saǵattan keıin par bólme ıistendi, sebebi jýynbaı kirip jatqandar qanshama?⠀
“Sol par bólmelerdi jýatyn banıa qyzdarǵa mynanyń ishin jýasyzdar ma?” dep edim, “biz túnde biraq jýamyz”, dedi" degen aktrısa qatty tańǵalǵanyn jetkizdi.
"Bylaı bolmaıdy, onda pıhtany peshke, qabyrǵalarǵa shashaıyq dedim. Sodan pıhtany tazıkke aralastyryp shashaıyn desem, "Devýshka, my je parımsıa" dep tıpa ıntellıgentnyılar sóıledi.
Sosyn men aıttym bylsh etkizip, "ishi sasyp ketti" dep. Sodan olar sasyp júrgenderimen isi joq, "Oıı, togda my vyıdem", – dedi. Ishimnen qýanyp kettim ketińdershi dep. Basqa par bólmelerdiń de erejeleri bar, ony saqtap jatqandar az", – dep jazdy aktrısa.
Badyqova qoǵamdyq oryndaǵy etıketti oryndaý úıdegi tárbıeden bastalatynyn aıtty. Ol búginde qyzdarǵa laıyqty tárbıe beretin analardyń azaıyp bara jatqanyn aıtyp kúıindi.
Mádenıetsizdiktiń kýási bolǵany azdaı, aktrısa urylardyń qarmaǵyna túsken. Monshada júrgende Badyqovanyń 20 myń teńgelik halaty urlanǵan. Osy oraıda ol Almatydaǵy tártipsizdikter kezinde jappaı dúken tonaǵan áıelderdi eske aldy.
"Oıbaı, ákim ury, mınıstr ury, basqasy ury deımiz. Bizde urlaýǵa múmkindik joq eken da, áıtpese urlaǵannyń kókesin kórsetedi ekenbiz. Kórdik. Bárin úkimetke jaýyp qoıyp otyrmaı, árkim ózinen, óz úıindegi óz balasyn tárbıeleýden bastasynshy degim keledi", – dedi aktrısa.
"Adyrna" ulttyq portaly
