Parlament Májilisindegi 27 sáýirdegi Memlekettik til týraly zań qabyldaý, Konstıtýııanyń 7-shi babyn ózgertip, memlekettik tildiń statýsyn jeke dara aıqyndaý, elimizdiń aqparat alańyn shetel telearnalarynan tazartý, bizdiń elge kórshiles elderden aǵylyp jatqandarǵa tosqaýyl qoıý maqsatynda Qazaqstan Azamattyǵyn alý úshin Qazaq tili men el tarıhynan emtıhan tapsyrý týraly QR Parlamenti Májilisi depýtaty, “Aq jol” frakııasy múshesi, aqyn Qazybek Isanyń depýtattyq saýalyn qoldap, 107 depýtattyń 38 depýtaty qol qoıdy, dep jazady "Adyrna" ulttyq portaly qazaquni.kz-ke silteme jasap.
Ózge ult ókilderi Shıpovskıh, Platonov, Smyshlıaeva, Ilıas Býlarov, Abılfas Hamedov, Qarataevtar joǵary patrıottyq kórsetip qol qoıǵanda, basqa 68 depýtat, ásirese qazaq depýtattar qaıda?
Nege olar Memlekettik tildi qoldamaı, qarsy boldy?
Belgili jýrnalıst, QR Eńbek sińirgen qaıratkeri, qazaq tiliniń janashyry Sáýle Meshitbaıqyzynyń “Qalǵan depýtattar qaıda?”-dep, árqaısysynyń attaryn atap izdep, olardyń “Qazaq tilin qoldamaǵany óte ókinishti” dep, renjip jatqany oryndy.
- Iıa, ULTTYQ MÚDDENI QOLDAÝ MEMLEKETTIK TILDEN BASTALADY..! " TIL JOIYLSA ULT JOIYLADY "DEP KETTI ALASh ARYSTARY..!
Áýlıeatalyqtar kórinbeıdi tizimde, M. Tólepbergen joq eken aý.. Áttegen aı..! Atalalarymyz "Osyndaıda shappaǵanda..." degen eken. Aıdos Sarym, Erlan myrzalar, biraz azamattar joq, ÓKINIShTI!
...ALLAǴA ShÚKIR PARLAMENT "DÚR" ETTI..! QAZBEK ISA BAÝYRYMA, ALLA RAZY BOLSYN, QATARY KÓBEIIP KELEDI..! BIZ, HALYQ, BIRGEMIZ! - dep jazdy S. Meshitbaıqyzy.
Oǵan jaýap bergen Májilis depýtaty Qazybek Isa barlyq depýtatqa aldyn ala eskertilgenin aıtty.
- Sáýle Meshitbaıqyzy, durys aıtasyz apaı, men bularǵa, “osy qoldaıdy-aý” degen depýtattardyń barlyǵynyń telefondaryna jeke jazyp jiberip, eki kún kúttim. Keıbiri jaýap bermeı qutyldy, keıbir qazaq depýtattar qazaq tili týraly depýtattyq saýaldy qoldaýdan bas tartty.
Ózge ult ókilderi Shıpovskıh, Platonov, Smyshlıaeva, Ilıas Býlarov, Abılfas Hamedov, Qarataevtardan bastap Memlekettik tildi qoldap, otanshyldyq rýhyn kórsetip jatqanda qazaq depýtattardyń buǵyp qalǵany árıne, óte ókinishti! - dep jazdy depýtat.
Al, sizdiń depýtatyńyz Qazaq tilin qoldap daýys berdi me?
Tómendegi tizimniń ishinen qarańyzdar! Joq, bolsa, saýal qoıyńyzdar: “Ata-baba Amanaty qaıda? Nege oryndamaı, Qazaq tiline qarsy boldyń!? - dep suraýymyz kerek bárimiz!
Qol qoıyp, qoldaǵandar:
«Aq jol» frakııasynyń músheleri:
Q. Isa,
A. Perýashev,
D. Espaeva,
A. Ábildaev,
E. Barlybaev,
B. Dúısembınov,
S. Erýbaev,
A. Jumabaeva,
A. Lınnık,
E. Ómirǵalı,
M. Ramanqulov,
Ǵ. Hamzın.
«Amanat» frakııasy músheleri:
Gennadıı Shıpovskıh
Artýr Platonov
Fahrıddın Qarataev
Maqpal Tájmaǵambetova
Álııa Ábsemetova
Lázzat Ramazanova
Juldyz Súleımenova
Gúldara Nurymova
Elnur Beısenbaev
Samat Musabaev
Edil Jańbyrshın
Saıasat Nurbek
Syrym Ertaev
Amanjol Áltaev
Janarbek Áshimjanov
Syrym Adambaev
Baqytbek Smaǵul
Ǵanı Tashqaraev
Berik Bekjanov
Zarına Kamasova
Aıgúl Quspan
«Qazaqstan Halyq partııasy» frakııasy músheleri:
Gaýhar Nuǵmanova
Aıbek Paıaev
Ǵabdýl-Ǵazız Qulahmet
Qazaqstan Halyq Assambleıasy frakııasy músheleri:
Ilıas Býlarov
Abılfas Hamedov
Barlyǵy Parlament Májilisiniń 39 depýtaty qol qoıdy.
Azamat TASQARAULY