Abai oblysynda ötken ūly aqyn Abai Qūnanbaiūlynyŋ mereitoiy kezınde Senat töraǧasy, oblys äkımı, ministrler jäne basqa da delegattardyŋ «qauıpsızdık şeŋberımen» qorşalyp jürgenı turaly äleumettık jelılerde taraǧan video qoǧam nazaryn audardy. Būl jaǧdaiǧa qatysty Parlament Senatynyŋ baspasöz hatşysy Daniiar Ramazanov berdı, dep habarlaidy «Adyrna» tılşısı.
«Rasymen, mūndai ärekettıŋ müldem orynsyz ekenıne eşqandai kümän joq. Bız atalǧan jaitty körgen boida erıktılerden ony doǧaryp, basqa, maŋyzdy ıstermen ainalysuyn sūradyq. Osylaişa, būl jaǧdai öte qysqa uaqytqa ǧana jalǧasty. Al qalǧan uaqytta bız kiız üiler qalaşyǧynda erkın jürıp-tūrdyq. Merekege kelgen kez kelgen adam Senat Töraǧasymen kezdesıp, amandasyp, pıkırleskenın osy videodan-aq anyq köruge bolady. Ūzaq tüsındırıp jatqannan görı, bır ret körsetıp, mäselenı osy jerden japqan dūrys dep oilaimyn»,—dedı ol.
Baspasöz hatşysy keibır jelı qoldanuşysynyŋ toidy tek osy keleŋsız jaitpen bailanystyruyn synǧa aldy.
«Ökınışke qarai, keibır jelı qoldanuşysy on kün boiy atalyp ötken dübırlı toidy jalǧyz osy keleŋsızdıkpen bailanystyryp, «jerden jetı qoian tapqandai» jarysa jazyp jatyr. Al, bız oişyl ösiet etkendei, qalpymyz ben sanamyzdy taza ūstasaq, jarqyn sätterge köbırek män bersek, osy bır ūlaǧatty ısten önege alsaq deimız»,—dep tolyqtyrdy Ramazanov.
