Qoja Ahmet Iаsaui atyndaǧy Halyqaralyq qazaq-türık universitetı men Abai atyndaǧy Qazaq ūlttyq pedagogikalyq universitetı Joşy ūlysynyŋ tarihyna qatysty konferensiia ötkızdı, dep habarlaidy "Adyrna" ūlttyq portaly.
Ekı JOO bırlese ūiymdastyrǧan «Resmi jazbalar negızınde Joşy ūlysynyŋ memlekettık bilıgı jäne tarihi jady» atty halyqaralyq ǧylymi konferensiia jäne kıtap tanystyrylymy Almaty qalasynda öttı. Is-şara akademiialyq qauymdastyq tarapynan joǧary qyzyǧuşylyq tudyryp, keŋ auqymdy qatysumen erekşelendı.
Konferensiianyŋ aşyluynda Euraziia ǧylymi-zertteu instituty direktory, doktor, dosent Suat Beilur, Türkiia Respublikasynyŋ Qazaqstandaǧy Almaty qalasyndaǧy Bılım attaşesı Şükır Köse, Qazaqstan Respublikasynyŋ Ūlttyq kıtaphanasy direktory Ǧaziza Qūdaibergenova jäne Äl-Farabi atyndaǧy Qazaq ūlttyq universitetı professory, tarih ǧylymdarynyŋ doktory Bereket Kärıbaev qūttyqtau söz söiledı.
Ǧylymi jiynǧa şeteldık jäne otandyq zertteuşıler qatysty. Atap aitqanda, Marmara universitetı professory Iliias Kemaloǧly, Abai atyndaǧy QazŪPU professory Nūrlan Kenjeahmet, M.A. Usmanov atyndaǧy zertteu ortalyǧy ökılı, ǧylym doktory İlnur Mirgaleev, Abai atyndaǧy QazŪPU professory Fäkiia Şamşidenova, Iyldyz tehnikalyq universitetı professory Melek Özietgin, Äl-Farabi atyndaǧy QazŪU ökılı Qairat Qaipolla jäne Euraziia ǧylymi-zertteu institutynyŋ dosentı Bekarys Nūriman baiandama jasady.
Baiandamalarda Joşy ūlysy memleketınıŋ syrtqy saiasaty, iarlyqtar jüiesı, äkımşılık-qūqyqtyq qūrylymy, diplomatiialyq jazbalardyŋ tıldık erekşelıkterı, sondai-aq Altyn Orda kezeŋınen Qazaq handyǧyna deiıngı qūqyqtyq sabaqtastyq mäselelerı jan-jaqty talqylandy.
Is-şara aiasynda Joşy ūlysyna qatysty resmi jazbalar atty kıtaptyŋ qazaq tılındegı audarmasynyŋ tanystyrylymy öttı. Sarapşylar būl eŋbektı ortaǧasyrlyq memlekettık basqaru dästürın, qūqyqtyq mädeniettı jäne tarihi sabaqtastyqty zertteude maŋyzdy derekköz retınde baǧalady.
