Zaman özgerdı. Bıraq adamǧa qoiylatyn talap özgergen joq. Abaidyŋ «ystyq qairat, nūrly aqyl, jyly jürek» degen üş-aq sözı bügın de qoǧamnyŋ tarazysy.
Qazır qairat bar. Bıraq keide ol jeŋıl paidaǧa jūmsalady... Aqyl bar. Bıraq ol jalǧan aqparat taratuǧa, bırın-bırı aldauǧa, bırın-bırı küstänalauǧa qyzmet etıp jür. Jürek şe? Jürek telefon ekranynyŋ ar jaǧynda qalyp qoiǧandai...
Abai aitqan üş qasiet bır-bırınen bölınbeuı kerek.
Qairatty aqyl bilemese – küş ozbyrlyqqa ainalady. Aqyldy jürek jylytpasa – ol ailakerlıkke ainalady.
Jyly jürek qairatsyz bolsa – jaqsylyqtyŋ özı älsız. Eldıŋ erteŋın adam jasaidy.
Al adamdy adam etetın – qyzmetı emes, qasietı.
Sondyqtan bügın bızge jaŋa tehnologiiamen bırge jaŋa mınez kerek. Abai aitqan tolyq adam kerek. Sonda ǧana qoǧam da tolyq bolady.
