Vietjet Qazaqstan äue kompaniiasynyŋ bırneşe baǧyttaǧy reisı ūşaqtyŋ qūstarmen soqtyǧysuyna bailanysty keşıktırıldı, dep habarlaidy “Adyrna”.
Oqiǧa 4 qaraşada bolǧan.
Äue kemesı Qyzylordadan Astanaǧa baǧyt alǧan IQ426 reisın oryndau kezınde qūstarmen soqtyǧysqan. Osydan keiın ūşaqqa qosymşa tehnikalyq tekseru jürgızu qajet bolǧan.
Saldarynan atalǧan reistıŋ ǧana emes, äue kompaniiasynyŋ özge baǧyttar boiynşa ūşatyn bırneşe reisınıŋ de kestesı özgergen.
Vietjet Qazaqstan ökılderınıŋ mälımetınşe, barlyq qajettı tehnikalyq şara aviasiialyq qauıpsızdık pen äue kemelerın paidalanu talaptaryna säikes jürgızılıp jatyr.
Äue kompaniiasy reister kestesın mümkındıgınşe qysqa merzımde qalpyna keltıru üşın tiıstı şaralar qabyldap jatqanyn habarlady. Sondai-aq jolauşylarǧa ūşu uaqyty turaly aqparatty aldyn ala resmi arnalar arqyly tekseruge keŋes berdı. Qajet bolǧan jaǧdaida tasymaldauşy ökılderıne jügınuge bolady.
