Ūlttyq aqparat keŋıstıgınde qyrǧyz balasynyŋ qazaqtardyŋ öz ana tılın süiuı men aialauyna qatysty aitqan pıkırı tarady. Bauyrlas ūlttyŋ balasy alaş elınıŋ tıl tazalyǧyn saqtauǧa degen airyqşa yqylasyna taŋdanady. Būl jaily "Adyrna" ūlttyq portaly jazdy.
"Şynymdy aitsam, men qazaqtarǧa qyzyǧamyn. Olar öz tılın qūrmetteidı, aialaidy. Olar qarapaiym qoldanysta orysşa sözderdı az qoldanuǧa tyrysady. Öitkenı, olardyŋ tılındegı orys sözderdıŋ sauatty audarmalary bar" - deidı.Keiınnen video avtory qazaqtyŋ ūlttyq dünietanymyna sai audarylǧan "ǧaryş", "tölqūjat", "mūraǧat", "ünem" sekıldı sözderge toqtalady. Qazaq tılın qorǧaityn arnaiy tıl komitetınıŋ bar ekendıgın habarlaidy.
Oraiy kelgende aita ketu kerek, ana tılımızdıŋ qūnaryn baiytyp, tılımızge jaŋa "balmūzdaq", "aialdama", "janküier", "baspana" syndy teŋdessız sözderdı qosqan ǧalymdy bırı bılse, bırı bıle bermeidı. Ol qazaqtyŋ ırgelı ǧalymy Isläm Jarylǧapov edı. Qyrǧyz perzentınıŋ beinederegıne qatysty pıkır bıldırıp jatqandardyŋ qarasy qalyŋ. Oqyrmandar būǧan qatysty:View this post on Instagram
"Bıreudıkı bıreuge qyzdai" degendei boldy ǧoi. Bız de jetısıp otyrmaǧandyqtan aramyzda tıl üşın küres jürıp jatyr, ainalaiyn. Degenmen, kıp-kışkentai bolyp tılıŋ üşın oilanyp-tolǧanǧanyŋ jaqsy eken! Azamatsyŋ!", "Bışkekke bardym. Avtobustaǧylar qazaq ekenımdı bılıp, japa-tarmaǧai tanysyp jatyr. “Sızderde orysşa söilegen adamdy jaqtyrmaidy eken. Ūiǧyrlardyŋ toiyna bardym, Ūiǧyr balalardyŋ özı qazaqşa söilep jürdı” dedı bır qaratory äiel. Sız qai Qazaqstandy aityp tūrsyz dedım. Ündemedı…", "Tüptıŋ tübınde, bärıbır Qazaq tılı - älem tılıne ainalady! Qazaq tılın eşkım bükpelei almaidy! Allanyŋ tılı - Arab bolsa, Täŋırdıŋ tılı - Qazaq!", "Bızde älı küres jürıp jatyr tıl üşın. Bilık qanşa ret tılımızdı orysqa jyǧyp berıp jatyr. Sondada älı ümıt bar. Küres jalǧasuda. Tübı jeŋermız dep ümıttenem" dep jazdy.
"Adyrna" ūlttyq portaly
Ūqsas jaŋalyqtar
