Qandasqa til tıgizgen pavlodarlyq áıel ult arazdyǵyn týdyrdy dep aıyptaldy, dep habarlaıdy "Adyrna".
«1 mamyrda Instagram jelisindegi áleýmettik jelilerge monıtorıng júrgizý kezinde @nastya_brovkapvl esimdi qyz áleýmettik jelide uıatsyz sózder aıtyp, Mońǵol Halyq Respýblıkasynan kelgen kandastar týraly teris sóılegen vıdeo jarııalandy. Bul derek Pavlodar qalasy PP Soltústik polıııa bóliminde tirkeldi. Quqyq buzýshy anyqtaldy. Ol 27 jastaǵy pavlodarlyq kelinshek bolyp shyqty. Pavlodarlyq áıelge qatysty QR Qylmystyq kodeksiniń 174-baby (áleýmettik, ulttyq, rýlyq, násildik, taptyq nemese dinı arazdyqty qozdyrý) boıynsha sotqa deıingi tergeý bastaldy. Qajetti saraptama taǵaıyndaldy», - dedi sársenbide Pavlodar oblysy IID (PB) bastyǵy Vasılıı Sklıar.
Sonymen qatar, áleýmettik jelide ádepsiz sózder aıtqany úshin ÁQBtK-niń 434-babynyń 1-bóligi boıynsha ákimshilik jaýapkershilikke tartyldy.
«Materıal sotta qaralyp, quqyq buzýshyǵa 20 AEK kóleminde ákimshilik aıyppul salyndy», - dep qosty Sklıar.
Buǵan deıin 1 mamyrda jelide taraǵan vıdeoda Nastıa Brovka esimdi qoldanýshy qandastarǵa ǵana emes, basqa da "jańadan kelgenderge" til tıgizgen. Buǵan qosa, ol Pavlodardyń atyn ózgertýge qarsy pikir aıtqan.
