Týrızm – Almaty oblysy ekonomıkasynyń qarqyndy damyp kele jatqan salasy. Ákimdik bul salany damytý boıynsha taıaý jyldarǵa arnalǵan bolashaǵy zor jospar ázirledi. Qazirgi kezde oblysqa jylyna 1,2 mıllıon týrıst keledi.
Almaty oblysy týrısterdi nesimen baýraıdy?
Óńir basshysy Marat Sultanǵazıev halyqqa esep berý kezdesýinde Qazaqstanǵa keletin árbir ekinshi sheteldik týrıst Almaty aglomeraııasyn tamashalaıtynyn atap ótti.
Sheteldik týrısterdiń kóp bóligi Reseı, Qytaı, Ózbekstan, Qyrǵyzstan, Úndistan, Túrkııa, Ońtústik Koreıa, Germanııa, AQSh jáne t.b. elderden keledi.
Óńirlik bılik týrıster saıahattaıtyn negizgi baǵdarlar boıyndaǵy jaıly ınfraqurylymdy damytyp, onyń ishinde ulttyq parkter aýmaǵyndaǵy soqpaqtardy abattandyra otyryp, zamanaýı týrıstik navıgaııa júıesin ázirlep, qoldanysqa engizýge nıetti. Mundaı jumystar buryn Sharyn shatqalynda, Kólsaı jáne Qaıyńdy kólderinde júrgizilgen bolatyn.
Endi jergilikti ákimshilik basty nazardy oblys ortalyǵy Qonaev qalasy men Qapshaǵaı sýqoımasyna aýdaryp otyr.
Óńir basshysy Marat Sultanǵazıev aqparattyq pýnktter jelisi, keńesshileri, týrıstik navıgaııasy, kádesyılar dúkenderi bar zamanaýı sapar-ortalyq qurý qajettigin atap ótti.
Demalýshylardyń qandaı shaǵymdary bar?
Jergilikti shıpajaılardyń qazirgi jaǵdaıyn jaqsartý qajet ekendigi jasyryn emes.
Birqatar eskertýlerden keıin Almaty oblysynda Kólsaı jáne Qaıyńdy kólderinde jazǵy ýaqytta qaýipsizdikti qamtamasyz etý, týrısterge aqparat berip otyrý maqsatynda týrıstik polıııa jumysyn uıymdastyrý josparlanyp otyr.
Almaty oblysynyń ákimi Marat Sultanǵazıev qazirgi kezde ınvestorlardyń belsendi túrde tartylyp jatqanyn aıtty. Sondaı-aq keıingi kezderi oblysta 200-ge tarta týrızm obektisiniń paıdalanýǵa berilgenin atap ótkenimiz jón. 100-den astam týrıstik kompanııa lıenzııalyq negizde jumys isteıdi. Týrızmdi damytý jergilikti halyqty turaqty jumys ornymen qamtamasyz etýge múmkindik berip otyr.
