Bügın — qazaq balalar ädebietınıŋ negızın saluşylardyŋ bırı, aqyn, jazuşy, audarmaşy Saparǧali Begalinnıŋ tuǧan künı.
Körnektı tūlǧa 1895 jyly Şyǧys Qazaqstan oblysy, Abai audany, Degeleŋ auylynda ömırge kelgen. Ol alǧaş auyl moldasynan hat tanyp, 1913 jyly Semei qalasyndaǧy orys-qazaq uchilişesınde oqyǧan. Jasynda jyrşylardan terme, salt jyrlaryn, aitys öleŋderın jatqa alǧan. Sonyŋ äserımen şyǧarmaşylyq jolyn öleŋ jazudan bastaǧan.
Aqynnyŋ "Qazaq qyz-bozbalalary" degen tūŋǧyş öleŋı 1914 jyly "Aiqap" jurnalynda basylǧan. "Qyran kegı" (1943) "Simlian teŋızı" (1953) "Taŋdamaly" (1956), "Syrly qainar" (1963) t.b. öleŋder men poemalar jinaǧy jaryq körgen. Sonymen qatar ol balalarǧa arnalǧan prozalyq şyǧarmalar, "Zamana belesterı" atty roman (1975 j) jazǧan.
Qalamger Puşkin, Lermontov jäne basqa da köptegen orys klassikterınıŋ şyǧarmalaryn qazaqşaǧa audarǧan. Jazuşy seksen segız jyldyq ǧūmyrynda jiyrma şaqty poema, onnan astam povest, jüzdegen äŋgıme, köptegen estelıkter, zertteuler, maqalalar jazyp qaldyrdy.
Saparǧali Begalin öz zamanynda qazaq halqynyŋ auyz ädebietı ülgılerın jinap, zertteu salasynda ūzaq jyldar eŋbek etken edı.
Ūqsas jaŋalyqtar
